"Báiterek DEVELOPMENT» AQ basqarma basshysynyń burynǵy orynbasary, eki jarym jylǵa sottalǵan Aslan Jaqypov bostandyqqa merziminen buryn shyǵady. Bul aqparatty Astana sotynyń baspasóz qyzmeti de rastady.
Habarlamada "Astananyń Almaty aýdandyq №2 soty 14 tamyzda sottalýshy A.K. Jaqypovtyń merziminen buryn bostandyqqa jiberý týraly ótinishin qanaǵattandyrǵany" aitylǵan.
Jaqypovty bosatýdyń sebebi retinde sot onyń minezdemesin, "qamaýda artyq eshteńe aitpai, túrme tártibin oryndap, jazasynyń úshten ekisin ótegenin" atap ótken.
Sot sheshiminde Aslan Jaqypovty merziminen buryn bosatý týraly qaýly áli kúshine enbegeni jazylǵan. Sot sheshimine qatysty 15 kún ishinde shaǵym tússe nemese prokýror qarsy bolsa, ótinish qaita qaralýy múmkin.
Aslan Jaqypov 14 naýryzda burynǵy ulttyq ekonomika ministri Qýandyq Bishimbaevpen birge sottalǵan. Oǵan deiin sot tergeýi kezinde Jaqypov para alǵanyn moiyndap, "qylmystyq qiturqylyqqa urynyp qalǵanyn" aityp, Bishimbaevaqa qarsy kýálik etken. Ol - parlament májilisiniń eks-spikeri, qazir depýtat Qabibolla Jaqypovtyń uly.
