"بەيتەرەك DEVELOPMENT» اق باسقارما باسشىسىنىڭ بۇرىنعى ورىنباسارى, ەكٸ جارىم جىلعا سوتتالعان اسلان جاقىپوۆ بوستاندىققا مەرزٸمٸنەن بۇرىن شىعادى. بۇل اقپاراتتى استانا سوتىنىڭ باسپاسٶز قىزمەتٸ دە راستادى.
حابارلامادا "استانانىڭ الماتى اۋداندىق №2 سوتى 14 تامىزدا سوتتالۋشى ا.ك. جاقىپوۆتىڭ مەرزٸمٸنەن بۇرىن بوستاندىققا جٸبەرۋ تۋرالى ٶتٸنٸشٸن قاناعاتتاندىرعانى" ايتىلعان.
جاقىپوۆتى بوساتۋدىڭ سەبەبٸ رەتٸندە سوت ونىڭ مٸنەزدەمەسٸن, "قاماۋدا ارتىق ەشتەڭە ايتپاي, تٷرمە تەرتٸبٸن ورىنداپ, جازاسىنىڭ ٷشتەن ەكٸسٸن ٶتەگەنٸن" اتاپ ٶتكەن.
سوت شەشٸمٸندە اسلان جاقىپوۆتى مەرزٸمٸنەن بۇرىن بوساتۋ تۋرالى قاۋلى ەلٸ كٷشٸنە ەنبەگەنٸ جازىلعان. سوت شەشٸمٸنە قاتىستى 15 كٷن ٸشٸندە شاعىم تٷسسە نەمەسە پروكۋرور قارسى بولسا, ٶتٸنٸش قايتا قارالۋى مٷمكٸن.
اسلان جاقىپوۆ 14 ناۋرىزدا بۇرىنعى ۇلتتىق ەكونوميكا مينيسترٸ قۋاندىق بيشٸمباەۆپەن بٸرگە سوتتالعان. وعان دەيٸن سوت تەرگەۋٸ كەزٸندە جاقىپوۆ پارا العانىن مويىنداپ, "قىلمىستىق قيتۇرقىلىققا ۇرىنىپ قالعانىن" ايتىپ, بيشٸمباەۆاقا قارسى كۋەلٸك ەتكەن. ول - پارلامەنت مەجٸلٸسٸنٸڭ ەكس-سپيكەرٸ, قازٸر دەپۋتات قابيبوللا جاقىپوۆتىڭ ۇلى.
