Foto: Sputnik / Bolat Shaihinov
Ishki ister ministri Erjan Sádenov tergeý izoliatorynda otyrǵan Bishimbaevqa arnaiy jaǵdai jasalmaǵanyn málimdedi, dep habarlaidy «Ult aqparat» Sputnik Qazaqstanǵa silteme jasap.
Ministrdiń aitýynsha, azamattyq nekedegi áieli Saltanat Núkenovany óltirgeni úshin aiyptalǵan Bishimbaev kópshilikpen birge tergeý izoliatorynda otyr.
"Eshkimge erekshe jaǵdai jasalmaidy. Barlyǵyn zań tártibi boiynsha ustaidy. Ol jalpy kamerada otyrady, janynda basqa adamdar da bar", – dedi Sádenov májiliste ótken brifingte.
Osy oraida ministr aldyn ala sot otyrysynda konvoidyń ne sebepti kóp bolǵanyn da túsindirdi.
“Bizde naqty tártip bar. Bir sottalýshynyń janynda úsh-tórt konvoi júredi. Ol jerde eki sottalýshy ǵoi. Sol sebepti konvoi da kóp boldy”,- dep atap kórsetti ministr.
Aita keteri, 27 naýryzda Bishimbaev isi boiynsha negizgi sot otyrysy bastalady. Úkimdi alqabiler soty shyǵarady.
