فوتو: Sputnik / بولات شايحينوۆ
ٸشكٸ ٸستەر مينيسترٸ ەرجان سەدەنوۆ تەرگەۋ يزولياتورىندا وتىرعان بيشٸمباەۆقا ارنايى جاعداي جاسالماعانىن مەلٸمدەدٸ, دەپ حابارلايدى «ۇلت اقپارات» Sputnik قازاقستانعا سٸلتەمە جاساپ.
مينيستردٸڭ ايتۋىنشا, ازاماتتىق نەكەدەگٸ ەيەلٸ سالتانات نٷكەنوۆانى ٶلتٸرگەنٸ ٷشٸن ايىپتالعان بيشٸمباەۆ كٶپشٸلٸكپەن بٸرگە تەرگەۋ يزولياتورىندا وتىر.
"ەشكٸمگە ەرەكشە جاعداي جاسالمايدى. بارلىعىن زاڭ تەرتٸبٸ بويىنشا ۇستايدى. ول جالپى كامەرادا وتىرادى, جانىندا باسقا ادامدار دا بار", – دەدٸ سەدەنوۆ مەجٸلٸستە ٶتكەن بريفينگتە.
وسى ورايدا مينيستر الدىن الا سوت وتىرىسىندا كونۆويدىڭ نە سەبەپتٸ كٶپ بولعانىن دا تٷسٸندٸردٸ.
“بٸزدە ناقتى تەرتٸپ بار. بٸر سوتتالۋشىنىڭ جانىندا ٷش-تٶرت كونۆوي جٷرەدٸ. ول جەردە ەكٸ سوتتالۋشى عوي. سول سەبەپتٸ كونۆوي دا كٶپ بولدى”,- دەپ اتاپ كٶرسەتتٸ مينيستر.
ايتا كەتەرٸ, 27 ناۋرىزدا بيشٸمباەۆ ٸسٸ بويىنشا نەگٸزگٸ سوت وتىرىسى باستالادى. ٷكٸمدٸ القابيلەر سوتى شىعارادى.
