- 23,6 mln. tonna astyq bastyryldy. Bul týraly búgin Úkimettiń selektorlyq rejimdegi otyrysynda elimizdiń 9 aidaǵy áleýmettik-ekonomikalyq damýy jaiynda baiandama jasaǵan Ulttyq ekonomika ministri Qýandyq Bishimbaev málim etti, dep habarlaidy Ult.kz tilshisi QazAqparat agenttigine silteme jasap.
«Ósimdik sharýashylyǵy ónimderin óndirýdiń 7,0 paiyzǵa ulǵaiýynyń esebinen aýyl sharýashylyǵy ónimderiniń ósýi 4,9 paiyzdy qurady. Mal sharýashylyǵy ónimderiniń shyǵarylymy 2,5 paiyzǵa ósti. Aǵymdaǵy jyly dándi daqyldardyń rekordty ónimi jinaldy. 24 qazandaǵy jaǵdai boiynsha gektarynan 15,4 tsentner ónimdilik kezinde 23,6 mln. tonna astyq bastyryldy. Bul ótken jylǵy deńgeiden gektaryna 2,4 tsentnerge joǵary», - dedi Bishimbaev.
Onyń aitýynsha, Mańǵystaý oblysynda aýyl sharýashylyǵy ónimderiniń óndirisi 12,3 paiyzǵa tómendegen. Al, qalǵan oblystardyń barlyǵynda ósim tirkelip otyr.
«Eń joǵary ósim Aqmola oblysynda - 13,1, Qostanai oblysynda - 7,9 jáne Batys Qazaqstan oblysynda 6,8 paiyz deńgeiinde baiqaldy», - dedi ministr.
.jpeg)