Biryńǵai jinaqtaýshy zeinetaqy qorynan turǵyn úi jaǵdaiyn jaqsartýǵa aqsha alǵysy kelgen 350 269 adamnyń ótinishi qatanǵattandyrylǵan, dep habarlaidy "Ult aqparat".
Bul týraly Biryńǵai jinaqtaýshy zeinetaqy qorynyń saity jazdy.
«2021 jyldyń 13 shildesindegi jaǵdai boiynsha salymshylardyń zeinetaqy jinaqtaryn turǵyn úi jaǵdailaryn jaqsartý úshin paidalanýǵa bergen 350 269 ótinishi oryndaldy. Bankterde ashylǵan qazaqstandyqtardyń arnaiy shottaryna shamamen 1,6 trln teńge aýdaryldy. Birjolǵy zeinetaqy tólemderiniń ortasha somasy – shamamen 4,5 mln teńge», - dep jazady BJZQ saity.
Oryndalǵan ótinishterdiń eń kóbi Almaty qalasynyń (16,5%), Mańǵystaý oblysynyń (15,4%), Nur-Sultan qalasynyń (12,9%) turǵyndarynan túsken.
Zeinetaqy jinaqtarynyń bir bóligin paidalanýǵa ótinishterdi qabyldaityn ýákiletti operatorlar: «Otbasy banki» turǵyn úi qurylys jinaq banki» AQ, «Qazaqstan Halyq banki» AQ, «Altyn Bank» AQ, «Bank TsentrKredit» AQ jáne «Bank Fridom Finans Kazahstan» AQ. Solardyń ishinde oryndalǵan ótinishterdiń 95,3%-y «Otbasy bank» arqyly rásimdelgen.
Degenmen, arnaiy shottarǵa aýdarylǵan zeinataqy ashqasynyń 185,6 mlrd teńgesy qaitadan BJZQ shottaryna aýdarylǵan. Sebebi salymshylardyń bir bóligi birjolǵy zeinetaqy tólemderin belgilengen merzimde paidalanbaǵan.
Al emdelýge barlyǵy 36 926 ótinish túsip, onyń ishinde 20 mlrd teńgeniń 21 054 ótinishi maquldanǵan. Ortasha soma – shamamen 1 mln teńge.
