بٸرىڭعاي جيناقتاۋشى زەينەتاقى قورىنان تۇرعىن ٷي جاعدايىن جاقسارتۋعا اقشا العىسى كەلگەن 350 269 ادامنىڭ ٶتٸنٸشٸ قاتانعاتتاندىرىلعان, دەپ حابارلايدى "ۇلت اقپارات".
بۇل تۋرالى بٸرىڭعاي جيناقتاۋشى زەينەتاقى قورىنىڭ سايتى جازدى.
«2021 جىلدىڭ 13 شٸلدەسٸندەگٸ جاعداي بويىنشا سالىمشىلاردىڭ زەينەتاقى جيناقتارىن تۇرعىن ٷي جاعدايلارىن جاقسارتۋ ٷشٸن پايدالانۋعا بەرگەن 350 269 ٶتٸنٸشٸ ورىندالدى. بانكتەردە اشىلعان قازاقستاندىقتاردىڭ ارنايى شوتتارىنا شامامەن 1,6 ترلن تەڭگە اۋدارىلدى. بٸرجولعى زەينەتاقى تٶلەمدەرٸنٸڭ ورتاشا سوماسى – شامامەن 4,5 ملن تەڭگە», - دەپ جازادى بجزق سايتى.
ورىندالعان ٶتٸنٸشتەردٸڭ ەڭ كٶبٸ الماتى قالاسىنىڭ (16,5%), ماڭعىستاۋ وبلىسىنىڭ (15,4%), نۇر-سۇلتان قالاسىنىڭ (12,9%) تۇرعىندارىنان تٷسكەن.
زەينەتاقى جيناقتارىنىڭ بٸر بٶلٸگٸن پايدالانۋعا ٶتٸنٸشتەردٸ قابىلدايتىن ۋەكٸلەتتٸ وپەراتورلار: «وتباسى بانكٸ» تۇرعىن ٷي قۇرىلىس جيناق بانكٸ» اق, «قازاقستان حالىق بانكٸ» اق, «Altyn Bank» اق, «بانك تسەنتركرەديت» اق جەنە «بانك فريدوم فينانس كازاحستان» اق. سولاردىڭ ٸشٸندە ورىندالعان ٶتٸنٸشتەردٸڭ 95,3%-ى «وتباسى بانك» ارقىلى رەسٸمدەلگەن.
دەگەنمەن, ارنايى شوتتارعا اۋدارىلعان زەيناتاقى اشقاسىنىڭ 185,6 ملرد تەڭگەسى قايتادان بجزق شوتتارىنا اۋدارىلعان. سەبەبٸ سالىمشىلاردىڭ بٸر بٶلٸگٸ بٸرجولعى زەينەتاقى تٶلەمدەرٸن بەلگٸلەنگەن مەرزٸمدە پايدالانباعان.
ال ەمدەلۋگە بارلىعى 36 926 ٶتٸنٸش تٷسٸپ, ونىڭ ٸشٸندە 20 ملرد تەڭگەنٸڭ 21 054 ٶتٸنٸشٸ ماقۇلدانعان. ورتاشا سوما – شامامەن 1 ملن تەڭگە.
