QR Eńbek jáne halyqty áleýmettik qorǵaý ministrliginiń baspasóz hatshysy Aleksandr Kononets birjolǵy zeinetaqy tólemin alýdyń shekti mólsheri nege artatynyn túsindirdi, dep habarlaidy QazAqparat.
«Qazaqstan Respýblikasynda zeinetaqymen qamsyzdandyrý týraly» Zańda belgili bir jastaǵy salymshy úshin zeinetaqy jinaqtarynyń eń tómengi qajetti somasy «eń tómengi jetkiliktilik shegi» retinde qarastyrylady. Onyń mólsheri ai saiyn tabystyń 10%-yn turaqty zeinetaqy jarnasy retinde aýdara otyryp zeinet jasyna jetken salymshynyń jinaǵyndaǵy aqshanyń eń tómengi mólsheri eń tómengi zeinetaqy mólsherin tóleýge múmkindik berý kerek. «Zeinetaqymen qamsyzdandyrý júiesiniń tiimdiligi eńbek kirisi bolmaǵan kezeńdegi salymdy zeinetaqy tólemderimen almastyrý deńgeiimen aiqyndalatynyn eskersek, QR Úkimetiniń 2021 jylǵy 6 qańtardaǵy №1 qaýlysymen bekitilgen tómen jetkiliktilik mólsherin aiqyndaý ádistemesi boiynsha zeinetaqy jinaqtarynyń eń tómengi jetkiliktilik shegin aiqyndaý kezinde eń tómengi jalaqy mólsheri, sondai-aq eń tómengi zeinetaqy, eń tómengi kúnkóris deńgeii siiaqty kórsetkishter paidalanylady jáne «Respýblikalyq biýdjet týraly» Zań boiynsha jyl saiyn indeksteledi», - dep jazady ministrliktiń baspasóz qyzmeti.
Vedomstvonyń túsindirmesinde birjolǵy zeinetaqy tólemin alýǵa qajet tómengi jetkiliktilik mólsheri jyl saiyn bekitilip otyratyny aitylǵan.
«Memleket basshysy «Halyq birligi jáne júieli reformalar – el órkendeýiniń berik negizi» atty Qazaqstan halqyna Joldaýy aiasynda 2022 jylǵy 1 qańtardan bastap eń tómengi jalaqyny 42 500-den 60 myń teńgege deiin (nemese 41%) arttyrýdy tapsyrdy. Eń tómengi jalaqynyń ulaiatyny týraly boljam tómen jetkiliktilik mólsherinniń sinhrondy ulǵaiýyna ákelip otyr. Bul bolashaq zeinetkerlerdiń keiin alatyn zeinetaqysyn eńbek tabystarynyń ózgerýine barabar deńgeide saqtaýdy qamtamasyz etedi», - dep jazylǵan vedomsvtonyń málimetinde.
