قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز حاتشىسى الەكساندر كونونەتس بٸرجولعى زەينەتاقى تٶلەمٸن الۋدىڭ شەكتٸ مٶلشەرٸ نەگە ارتاتىنىن تٷسٸندٸردٸ, دەپ حابارلايدى قازاقپارات.
«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭدا بەلگٸلٸ بٸر جاستاعى سالىمشى ٷشٸن زەينەتاقى جيناقتارىنىڭ ەڭ تٶمەنگٸ قاجەتتٸ سوماسى «ەڭ تٶمەنگٸ جەتكٸلٸكتٸلٸك شەگٸ» رەتٸندە قاراستىرىلادى. ونىڭ مٶلشەرٸ اي سايىن تابىستىڭ 10%-ىن تۇراقتى زەينەتاقى جارناسى رەتٸندە اۋدارا وتىرىپ زەينەت جاسىنا جەتكەن سالىمشىنىڭ جيناعىنداعى اقشانىڭ ەڭ تٶمەنگٸ مٶلشەرٸ ەڭ تٶمەنگٸ زەينەتاقى مٶلشەرٸن تٶلەۋگە مٷمكٸندٸك بەرۋ كەرەك. «زەينەتاقىمەن قامسىزداندىرۋ جٷيەسٸنٸڭ تيٸمدٸلٸگٸ ەڭبەك كٸرٸسٸ بولماعان كەزەڭدەگٸ سالىمدى زەينەتاقى تٶلەمدەرٸمەن الماستىرۋ دەڭگەيٸمەن ايقىندالاتىنىن ەسكەرسەك, قر ٷكٸمەتٸنٸڭ 2021 جىلعى 6 قاڭتارداعى №1 قاۋلىسىمەن بەكٸتٸلگەن تٶمەن جەتكٸلٸكتٸلٸك مٶلشەرٸن ايقىنداۋ ەدٸستەمەسٸ بويىنشا زەينەتاقى جيناقتارىنىڭ ەڭ تٶمەنگٸ جەتكٸلٸكتٸلٸك شەگٸن ايقىنداۋ كەزٸندە ەڭ تٶمەنگٸ جالاقى مٶلشەرٸ, سونداي-اق ەڭ تٶمەنگٸ زەينەتاقى, ەڭ تٶمەنگٸ كٷنكٶرٸس دەڭگەيٸ سيياقتى كٶرسەتكٸشتەر پايدالانىلادى جەنە «رەسپۋبليكالىق بيۋدجەت تۋرالى» زاڭ بويىنشا جىل سايىن يندەكستەلەدٸ», - دەپ جازادى مينيسترلٸكتٸڭ باسپاسٶز قىزمەتٸ.
ۆەدومستۆونىڭ تٷسٸندٸرمەسٸندە بٸرجولعى زەينەتاقى تٶلەمٸن الۋعا قاجەت تٶمەنگٸ جەتكٸلٸكتٸلٸك مٶلشەرٸ جىل سايىن بەكٸتٸلٸپ وتىراتىنى ايتىلعان.
«مەملەكەت باسشىسى «حالىق بٸرلٸگٸ جەنە جٷيەلٸ رەفورمالار – ەل ٶركەندەۋٸنٸڭ بەرٸك نەگٸزٸ» اتتى قازاقستان حالقىنا جولداۋى اياسىندا 2022 جىلعى 1 قاڭتاردان باستاپ ەڭ تٶمەنگٸ جالاقىنى 42 500-دەن 60 مىڭ تەڭگەگە دەيٸن (نەمەسە 41%) ارتتىرۋدى تاپسىردى. ەڭ تٶمەنگٸ جالاقىنىڭ ۇلاياتىنى تۋرالى بولجام تٶمەن جەتكٸلٸكتٸلٸك مٶلشەرٸننٸڭ سينحروندى ۇلعايۋىنا ەكەلٸپ وتىر. بۇل بولاشاق زەينەتكەرلەردٸڭ كەيٸن الاتىن زەينەتاقىسىن ەڭبەك تابىستارىنىڭ ٶزگەرۋٸنە بارابار دەڭگەيدە ساقتاۋدى قامتاماسىز ەتەدٸ», - دەپ جازىلعان ۆەدومسۆتونىڭ مەلٸمەتٸندە.
