QR Densaýlyq saqtaý ministri Eljan Birtanov Almatydaǵy balalar juqpaly aýrýlar aýrýhanasynyń qabyldaý bóliminiń dárigerleriniń ústemeaqyǵa qatysty shaǵymyna jaýap berdi, - dep habarlaidy "Ult aqparat".
Eljan Birtanovtyń aitýynsha, Almaty qalalyq qoǵamdyq densaýlyqty saqtaý departamenti ministrliktiń koronavirýs infektsiiasymen kúresip jatqan dárigerlerdiń ústemeaqysy týraly buiryǵyn qate tápsirlegen.
Infektsiialyq statsionardyń dárigerleri, medbikeler, kishi meditsinalyq qyzmetkerler ústemeaqy tólenetin 1-sanattaǵy tulǵalarǵa jatady.
«Basqarma men emhana basshylyǵyna erteń tańerteń qatelikti jóndep, bekitilgen buiryqqa sai ústemeaqy tóleýdi ótinemin. Áleýmettik meditsinalyq saqtandyrý qory basshylyǵyna osy máseleni baqylaýǵa alyp, oryndalýyn qadaǵalaýdy suraimyn. Bul qolaisyzdyqtar úshin keshirim ótinemin. Facebook-ke qazir qolym jetip, áriptesterimniń ótinishin endi oqydym», - dep jazdy Facebook paraqshasynda Eljan Birtanov.
Aita ketý kerek, búgin Almaty koronavirýspen kúresip jatqan meditsina qyzmetkerleri QR DSM buiryǵyna sáikes ústemeaqy ala bastady.
