QR Densaýlyq saqtaý ministri Eljan Birtanov Ortalyq kommýnikatsiialar qyzmetinde ótken baspasóz máslihatynda elimizde meningitten vaktsinatsiialaý baǵasynyń nelikten qymbat ekenin aitty, dep habarlaidy Baq.kz tilshisi.
«Vaktsina qunyna keler bolsaq, shynymen qymbat. Basqa vaktsinalarmen salystyrsaq qymbat. Ónim farmatsevtikalyq jáne búginde biz dárilik preparat baǵasy qymbattamaýy úshin qajetti sharalardy qabyldap jatyrmyz. Memleket esebinen satyp alynatyn vaktsina mindetti túrde basqa elderdegi tómen vaktsina baǵasymen tirkeledi. Baǵasy qymbat bolsa da, biz qymbat baǵada satyp alýǵa májbúrmiz. Bul – ǵalamdyq problema», - dedi QR Densaýlyq saqtaý ministri OKQ-da ótken baspasóz máslihatynda.
Ministr Qazaqastanda kelesi jyldan bastap dárilik preparattardyń baǵasyn retteý týraly zańnamanyń Parlament qaraýynda ekenin atap ótti.
Eske sala ketsek, Birtanov 2018 jyldyń basynan beri meningitpen aýryǵan naýqastar sany men ólimmen aiaqtalǵan jaǵdailar týraly aitqan bolatyn. Sonymen qatar, meningit juqtyrǵan 58 naýqastyń 12-si kóz jumdy dep habarlady.
