قر دەنساۋلىق ساقتاۋ مينيسترٸ ەلجان بٸرتانوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ەلٸمٸزدە مەنينگيتتەن ۆاكتسيناتسييالاۋ باعاسىنىڭ نەلٸكتەن قىمبات ەكەنٸن ايتتى, دەپ حابارلايدى Baq.kz تٸلشٸسٸ.
«ۆاكتسينا قۇنىنا كەلەر بولساق, شىنىمەن قىمبات. باسقا ۆاكتسينالارمەن سالىستىرساق قىمبات. ٶنٸم فارماتسەۆتيكالىق جەنە بٷگٸندە بٸز دەرٸلٸك پرەپارات باعاسى قىمباتتاماۋى ٷشٸن قاجەتتٸ شارالاردى قابىلداپ جاتىرمىز. مەملەكەت ەسەبٸنەن ساتىپ الىناتىن ۆاكتسينا مٸندەتتٸ تٷردە باسقا ەلدەردەگٸ تٶمەن ۆاكتسينا باعاسىمەن تٸركەلەدٸ. باعاسى قىمبات بولسا دا, بٸز قىمبات باعادا ساتىپ الۋعا مەجبٷرمٸز. بۇل – عالامدىق پروبلەما», - دەدٸ قر دەنساۋلىق ساقتاۋ مينيسترٸ وكق-دا ٶتكەن باسپاسٶز مەسليحاتىندا.
مينيستر قازاقاستاندا كەلەسٸ جىلدان باستاپ دەرٸلٸك پرەپاراتتاردىڭ باعاسىن رەتتەۋ تۋرالى زاڭنامانىڭ پارلامەنت قاراۋىندا ەكەنٸن اتاپ ٶتتٸ.
ەسكە سالا كەتسەك, بٸرتانوۆ 2018 جىلدىڭ باسىنان بەرٸ مەنينگيتپەن اۋرىعان ناۋقاستار سانى مەن ٶلٸممەن اياقتالعان جاعدايلار تۋرالى ايتقان بولاتىن. سونىمەن قاتار, مەنينگيت جۇقتىرعان 58 ناۋقاستىڭ 12-سٸ كٶز جۇمدى دەپ حابارلادى.
