Densaýlyq saqtaý ministri Eljan Birtanov elimizde koronavirýs infektsiiasy anyqtalǵan jaǵdaiǵa «B» jospary daiyndalǵanyn málimdedi, dep habarlaidy "Ult aqparat".
«Eń bastysy – elimizde koronavirýs infektsiiasyn juqtyrǵan adam anyqtalǵan jaǵdaiǵa daiyn bolý. Ol turǵyda bizde «B» jospary bar. Ol jospar ázirlenip, barlyq memlekettik organmen maquldandy. Bul jospardyń negizi – Qazaqstan aýmaǵynda infektsiianyń taralýyn barynsha shekteý. Qazirgi ýaqytta barlyq memlekettik organmen, ákimdikpen tiisti jumystar júrgizilip jatyr», - dedi Eljan Birtanov búgin Úkimettiń baspasóz ortalyǵynda ótken brifing barysynda.
Ministr óz sózinde koronavirýs infektsiiasy boiynsha jaǵdai tolyǵymen baqylaýda turǵanyna sendirdi.
«Dúrbeleńge berilýdiń eshqandai negizi joq. Bizdi alańdatyp turǵan negizgi problema – jalǵan aqparattardyń taralýy. Sol sebepti barlyq aqparatty tek ministrliktiń resmi saitynan baqylap otyrýdy ótinemin», - dedi ol.
Aita ketsek, koronavirýsqa qatysty jalǵan aqparattyń taralýyna – Úkimet basshysynyń orynbasary Eraly Toǵjanov ta alańdaýshylyq bildirgen edi. Sondai-aq ol Úkimet koronavirýsqa qatysty jaǵdaidy baqylaýda ustap, tiisti sharalardy qabyldap jatqanyn aityp berdi.
Koronavirýsqa qatysty jalǵan aqparattardyń biri ótken demalys kúnderi Jambyl oblysynda taraǵan bolatyn.
