دەنساۋلىق ساقتاۋ مينيسترٸ ەلجان بٸرتانوۆ ەلٸمٸزدە كوروناۆيرۋس ينفەكتسيياسى انىقتالعان جاعدايعا «ب» جوسپارى دايىندالعانىن مەلٸمدەدٸ, دەپ حابارلايدى "ۇلت اقپارات".
«ەڭ باستىسى – ەلٸمٸزدە كوروناۆيرۋس ينفەكتسيياسىن جۇقتىرعان ادام انىقتالعان جاعدايعا دايىن بولۋ. ول تۇرعىدا بٸزدە «ب» جوسپارى بار. ول جوسپار ەزٸرلەنٸپ, بارلىق مەملەكەتتٸك ورگانمەن ماقۇلداندى. بۇل جوسپاردىڭ نەگٸزٸ – قازاقستان اۋماعىندا ينفەكتسييانىڭ تارالۋىن بارىنشا شەكتەۋ. قازٸرگٸ ۋاقىتتا بارلىق مەملەكەتتٸك ورگانمەن, ەكٸمدٸكپەن تيٸستٸ جۇمىستار جٷرگٸزٸلٸپ جاتىر», - دەدٸ ەلجان بٸرتانوۆ بٷگٸن ٷكٸمەتتٸڭ باسپاسٶز ورتالىعىندا ٶتكەن بريفينگ بارىسىندا.
مينيستر ٶز سٶزٸندە كوروناۆيرۋس ينفەكتسيياسى بويىنشا جاعداي تولىعىمەن باقىلاۋدا تۇرعانىنا سەندٸردٸ.
«دٷربەلەڭگە بەرٸلۋدٸڭ ەشقانداي نەگٸزٸ جوق. بٸزدٸ الاڭداتىپ تۇرعان نەگٸزگٸ پروبلەما – جالعان اقپاراتتاردىڭ تارالۋى. سول سەبەپتٸ بارلىق اقپاراتتى تەك مينيسترلٸكتٸڭ رەسمي سايتىنان باقىلاپ وتىرۋدى ٶتٸنەمٸن», - دەدٸ ول.
ايتا كەتسەك, كوروناۆيرۋسقا قاتىستى جالعان اقپاراتتىڭ تارالۋىنا – ٷكٸمەت باسشىسىنىڭ ورىنباسارى ەرالى توعجانوۆ تا الاڭداۋشىلىق بٸلدٸرگەن ەدٸ. سونداي-اق ول ٷكٸمەت كوروناۆيرۋسقا قاتىستى جاعدايدى باقىلاۋدا ۇستاپ, تيٸستٸ شارالاردى قابىلداپ جاتقانىن ايتىپ بەردٸ.
كوروناۆيرۋسقا قاتىستى جالعان اقپاراتتاردىڭ بٸرٸ ٶتكەن دەمالىس كٷندەرٸ جامبىل وبلىسىندا تاراعان بولاتىن.
