Elimizde naýryz, sáýir, mamyr ailarynda koronavirýs juqtyrǵandar sany 3500-den aspaýy múmkin. Bul týraly eldegi koronavirýs infektsiiasy boiynsha aǵymdaǵy jaǵdai jaily onlain brifingte aityldy, dep habarlaidy "Ult aqparat".
«Koronavirýsqa qatysty boljam jasaý óte qiyn, sebebi ol kóptegen faktorǵa bailanysty. Eń bastysy – karantin sharalaryn saqtaý kerek. Koronavirýspen aýyrǵan adam ony taǵy 3-4 adamǵa juqtyrýy múmkin, sol sebepti teoriialyq turǵyda halyqtyń basym bóligi aýrý juqtyrýy múmkin. Biraq qabyldaǵan karantin sharasy bul qaýipti 50%-ǵa azaitty. Qazirgi qabyldanyp jatqan sharalar boljamdarǵa áser etedi», - deidi QR Densaýlyq saqtaý ministri Eljan Birtanov.
Onyń aitýynsha, jalpy alǵanda naýryz, sáýir, mamyr ailarynda elimizde koronavirýs juqtyrǵandar sany 3500-den aspaidy.
«Biz osy boljam negizinde sheshim qabyldaimyz, iaǵni osynshama adamǵa arnalǵan tósek-oryn daiyndaldy. Qosymsha tósek-oryn da bar. Osy sanǵa sáikes dári-dármek daiyn turady. Sáýir aiynda epidemiianyń sharyqtaý sheginen ótemiz, ary qarai infektsiia tasymaldaýshylar sanyn azaitý maqsatynda karantin sharalaryn jalǵastyra beremiz», - deidi Eljan Birtanov.
