Karantinde ózimizdi durys ustasaq, atalǵan infektsiiany toqtatamyz. Bul týraly eldegi koronavirýs infektsiiasy boiynsha aǵymdaǵy jaǵdai jaily onlain brifingte aityldy, dep habarlaidy QazAqparat.
«Karantin sharalary óte mańyzdy. Birinshiden, kóshege shyqpai, úide otyrýyńyz kerek. Qazirgi ýaqytta kóp qalalarda úlken ǵimarattar, dúkender jabylýda. Barlyq jumysshylar múmkindiginshe qashyqtan jumys isteýge kóshýi tiis. Jumysta infektsiia juqtyrýdyń aldyn alý úshin osyndai sharalar qoldanyp otyrmyz», - deidi QR Densaýlyq saqtaý ministri Eljan Birtanov.
Ekinshiden, kóshege ary ketse eki adam bolyp shyǵýǵa ruqsat, biraq kei qalalarda bul da óte qaýipti. Múmkindik bolsa, osy eki aptada kóshege múlde shyqpaǵan jón.
«Aýyldyq jerde úlken otbasynda turatyndar qart adamdardy bólek bólmede ustap, ózderińiz de bólek bólmede otyrǵandaryńyz durys. Karantinde ózimizdi durys ustasaq, atalǵan infektsiiany toqtatamyz. Eki apta, eki adam, eki metr – osy talaptardy saqtaýymyz kerek», dep atap ótti ministr.
