QR Densaýlyq saqtaý ministri Eljan Birtanov Bas prokýratýra meningit týraly jalǵan habarlama taratqandarmen ainalysatynyn málimdedi, - dep habarlaidy Tengrinews.kz tilshisi.
Ortalyq kommýnikatsiialar qyzmetinde ótken brifingte Birtanovqa jýrnalister mynadai suraq qoidy: Bul meningok infektsiiasynan qaitys bolǵandardyń fonynda jeke vaktsina tasymaldaýshylardyń lobbileý ádisi emes pe?
"Lobbileýge máselesine bailanysty bas prokýratýra tergeý bastady. Osy jaǵdaiǵa qatysty zańbuzýshylyqtar bolsa, onyń ishinde jalǵan habarlama taratý, onyń barlyǵy da zań aldynda jaýap berýi tiis. El ishinde daýryǵýǵa jol berilmeýi tiis", - dedi ministr.
Birtanov tek rastalǵan málimetke senip, baibalamaǵa salynbaiǵa shaqyrdy.
Osyǵan deiin ministr Qazaqstanda 2018 jyldyń basynan beri meningokokk infektsiiasynan 12 adamnyń qaitys bolǵanyn málimdegen edi.
Eske sala keteiik, keshe, 3 maýsymda Almaty oblysynda 19 jastaǵy qyzdyń meningokokk infektsiiasynan qaitys bolǵany habarlanǵan edi. Sondai-aq, búgin Qyzylordada 27 jastaǵy er adamnyń meningokokk infektsiiasynan qaitys bolǵany aityldy.
