قر دەنساۋلىق ساقتاۋ مينيسترٸ ەلجان بٸرتانوۆ باس پروكۋراتۋرا مەنينگيت تۋرالى جالعان حابارلاما تاراتقاندارمەن اينالىساتىنىن مەلٸمدەدٸ, - دەپ حابارلايدى Tengrinews.kz تٸلشٸسٸ.
ورتالىق كوممۋنيكاتسييالار قىزمەتٸندە ٶتكەن بريفينگتە بٸرتانوۆقا جۋرناليستەر مىناداي سۇراق قويدى: بۇل مەنينگوك ينفەكتسيياسىنان قايتىس بولعانداردىڭ فونىندا جەكە ۆاكتسينا تاسىمالداۋشىلاردىڭ لوببيلەۋ ەدٸسٸ ەمەس پە?
"لوببيلەۋگە مەسەلەسٸنە بايلانىستى باس پروكۋراتۋرا تەرگەۋ باستادى. وسى جاعدايعا قاتىستى زاڭبۇزۋشىلىقتار بولسا, ونىڭ ٸشٸندە جالعان حابارلاما تاراتۋ, ونىڭ بارلىعى دا زاڭ الدىندا جاۋاپ بەرۋٸ تيٸس. ەل ٸشٸندە داۋرىعۋعا جول بەرٸلمەۋٸ تيٸس", - دەدٸ مينيستر.
بٸرتانوۆ تەك راستالعان مەلٸمەتكە سەنٸپ, بايبالاماعا سالىنبايعا شاقىردى.
وسىعان دەيٸن مينيستر قازاقستاندا 2018 جىلدىڭ باسىنان بەرٸ مەنينگوكوكك ينفەكتسيياسىنان 12 ادامنىڭ قايتىس بولعانىن مەلٸمدەگەن ەدٸ.
ەسكە سالا كەتەيٸك, كەشە, 3 ماۋسىمدا الماتى وبلىسىندا 19 جاستاعى قىزدىڭ مەنينگوكوكك ينفەكتسيياسىنان قايتىس بولعانى حابارلانعان ەدٸ. سونداي-اق, بٷگٸن قىزىلوردادا 27 جاستاعى ەر ادامنىڭ مەنينگوكوكك ينفەكتسيياسىنان قايتىس بولعانى ايتىلدى.
