5 tamyz kúni Qazaqstannyń birneshe óńirinde aptap ystyq saqtalyp, kei oblystarda nóser jańbyr, naizaǵai men burshaq kútiledi. Bul týraly «Qazgidromet» RMK sinoptikteri habarlady, dep jazady ult.kz.
Meteorologtardyń boljamynsha, respýblikanyń basym bóliginde atmosferalyq fronttardyń yqpalynan aýa raiy qubylmaly bolady. Sonyń saldarynan jańbyr jaýyp, naizaǵai oinaidy. Ásirese soltústik, shyǵys, ortalyq jáne ońtústik-shyǵys óńirlerde nóser jaýyn jaýyp, kei jerlerde burshaq túsýi yqtimal.
Al batys, soltústik-batys jáne ońtústik oblystarda jaýyn-shashynsyz aýa raiy saqtalady.
Kúndiz Atyraý oblysynda aýa temperatýrasy +35…+37°S-qa deiin, Mańǵystaý oblysynda +38…+40°S-qa deiin, al Aqtóbe oblysynyń batysy men ońtústiginde +35°S-qa deiin kóteriledi.
Sondai-aq respýblika boiynsha jeldiń kúsheiýi boljanyp otyr. Ońtústik óńirlerde shańdy daýyl turýy múmkin.
Oqi otyryńyz: Kelesi jyldan bastap sheteldikterdiń elge kirýi aqyly bolady
Sinoptikter tabiǵi órt qaýpiniń de joǵary deńgeide saqtalatynyn eskertti.
Órt qaýpi joǵary bolatyn aýmaqtarǵa Batys Qazaqstan, Ulytaý jáne Abai oblystary tolyqtai, sondai-aq Aqtóbe oblysynyń soltústigi, Jambyl oblysynyń ońtústigi men shyǵysy, Almaty oblysynyń shyǵysy men ortalyǵy, Mańǵystaý oblysynyń soltústigi men batysy, Qostanai oblysynyń batysy, shyǵysy jáne ortalyǵy, Soltústik Qazaqstan oblysynyń ońtústik-batysy, Aqmola oblysynyń soltústigi men ońtústigi, Pavlodar oblysynyń ońtústigi, shyǵysy jáne ortalyǵy, Túrkistan oblysynyń soltústigi men shyǵysy, Qaraǵandy oblysynyń batysy, soltústigi jáne ortalyǵy, sondai-aq Jetisý oblysynyń ońtústigi kiredi.
Al tótenshe órt qaýpi Atyraý, Qyzylorda, Jambyl jáne Túrkistan oblystarynda saqtalady. Sonymen qatar Batys Qazaqstan oblysynyń batysy men ońtústiginde, Mańǵystaý oblysynyń soltústik-shyǵysy men ortalyǵynda, Aqtóbe oblysynyń batysy, ońtústigi jáne shyǵysynda, Qostanai oblysynyń ońtústigi men ońtústik-shyǵysynda, Aqmola oblysynyń batysynda, Qaraǵandy oblysynyń ońtústigi men shyǵysynda jáne Ulytaý oblysynda, Abai oblysynyń soltústik-shyǵysynda, Shyǵys Qazaqstan oblysynyń ońtústiginde, Almaty oblysynyń batysy, soltústigi jáne ońtústiginde, sondai-aq Jetisý oblysynyń soltústigi, shyǵysy jáne ortalyq bóliginde de óte joǵary deńgeide saqtalmaq.
Mamandar aýa raiynyń qolaisyz qubylystary kezinde qaýipsizdik sharalaryn saqtap, órt qaýipsizdigi talaptaryn qatań ustanýǵa shaqyrady.
