«Birlik» saiasi partiiasynyń ataýy «Adal» bolyp ózgertildi. Rebrending týraly sheshim 5 qarasha kúni Nur-Sultan qalasynda ótken partiia saiasi keńesiniń otyrysynda qabyldandy, dep habarlaidy QazAqparat.
Partiia tóraǵasy Serik Sultanǵali atap ótkendei, «Birlik» partiiasy jumysyn qaita bastaýǵa daiyn. Ol tek basqarý organdaryna ǵana emes, jalpy filosofiiaǵa da qatysty bolmaq.
«Biz rebrending sekildi, ataýdy ózgertý týraly zertteý júrgizdik. Zertteýdi kásibi áleýmettanýshylar júrgizdi. Olar ataýdyń 10-ǵa jýyq nusqasyn qarastyrdy. Taldaý nátijeleri boiynsha «Adal» nusqasy jeńiske jetti. Mamandar buny halyqtyń jańarýǵa degen qajettiligin, ádilettilikke degen suranysyn túsindiredi deidi. Sondai aq, adamdar ádilettilik sózine sybailas jemqorlyqqa qarsy kúresten bastap sheshim qabyldaýdyń ashyqtyǵyna deiin úlken maǵyna beredi», - dedi partiia tóraǵasy.
Partiia ataýyn ózgertý týraly usynys Saiasi keńes músheleriniń daýys berýine shyǵaryldy. Nátijesinde «Adal» dep ataý týraly sheshim qabyldandy.
Sonymen qatar, otyrys barysynda partiianyń sailaýǵa qatysýy týraly másele talqylanyp, halyqtyń tabysyn arttyrý, ádil memleket, bilim berý men adami kapitaldy damytý, óńirler men AÓK-ni damytý, jastarǵa jaǵdai jasaý jáne sybailas jemqorlyqqa qarsy kúresti qamtityn sailaý aldyndaǵy naýqannyń 7 baǵyty usynyldy. Naýqannyń sońǵy nusqasy 16-qarashada sailaý aldyndaǵy sezde bekitiledi.
Serik Sultanǵali kún tártibindegi sailaýaldy máselelerden bólek, saiasi keńeske engen partiianyń jańa 9 múshesin tanystyrdy. Olar:
- Jumaǵaziev Eldar Tynyshbaiuly, «Atameken» UKP Basqarma múshesi;
- Sadyrbaev Almasbek Jumabekuly, «Shopan Ata» Ulttyq Qazaqstan qoi ósirýshiler qaýymdastyǵynyń tóraǵasy;
- Malikova Laýra Almasbekqyzy, Tájiribeli ekologtar qaýymdastyǵynyń basshysy;
- Ordabaev Oljas Temirbekuly, «Atameken» UKP Basqarma tóraǵasynyń orynbasary;
- Nazarov Ardaq Quttyqojauly, álem chempiony, qoǵam qairatkeri;
- Maksat Tolyqbai, tanymal telejýrnalist;
- Dáýlet Mukaev, tanymal telejýrnalist, áleýmettik jobalardyń avtory;
- Shatskii Igor Vladimirovich, qoǵam qairatkeri;
- Qojamqulov Murat Ákimhanuly, «Adal» partiiasy filialynyń basshysy.
«Qazir biz Májilis pen máslihattar úshin partiialyq tizimderdi qalyptastyrýdamyz. Qorytyndy boiynsha áielder men jastar úshin 30 paiyzdyq kvota saqtalady. 30-qyrkúiekte ótken sezde óz kúsh-jigerimiz, tájiribemiz ben kózqarasymyz bar ekenin aitqan bolatynbyz. Men óz sózderim men partiianyń jańarýyn rastaimyn. Jańa qurylym engizilýi bizdi odan ári nyǵaita túspek. Búgin bizdiń saiasi keńesimizge óz tájiribesi men bilimin engizer túrli saladaǵy jańa tulǵalar, qoǵam qairatkerleri endi.Biz sailaýǵa qatysýǵa daiyndalyp jatyrmyz, tiisti ideologiialyq, taldaý jine aqparattyq-túsindirý jumystary bastaldy», - dedi Serik Sultanǵali.
Kezdesý sońynda «Birlik» partiiasy men ekologtar qaýymdastyǵy arasynda yntymaqtastyq týraly Memorandýmǵa qol qoiyldy. Qujattyń negizgi maqsaty Qazaqstan Respýblikasyndaǵy qorshaǵan ortanyń sapasyn jaqsartý maqsatynda ózara is qimyldy keńeitý, taraptardyń ynmaqtastyǵy bolyp tabylady. «Birlik» partiiasy men Qaýymdastyq QR ekologiialyq zańnamasyn jetildirý jóninde birlesken usynystar ázirlep, sondai aq qorshaǵan ortanyń, ekologiialyq zertteýler men mádeniettiń sapasyn jaqsartýǵa baǵyttalǵan is-sharalar júrgizetin bolady.
