Birinshi jartyjyldyqta Qarjy monitoringi komiteti 743 qylmystyq isti tergedi, onyń 560-y máni boiynsha sotqa qaraýǵa joldandy. Bul týraly Qaýipsizdik Keńesiniń Apparatynda Qarjy ministri E.Q.Jamaýbaevtyń jáne Qarjy monitoringi komitetiniń tóraǵasy J.Q.Elimanovtyń qatysýymen ótken ekonomikalyq qaýipsizdikti qamtamasyz etý máseleleri boiynsha keńeste aityldy, dep habarlaidy "Ult aqparat" Aqordaǵa silteme jasap.
Osy qylmystyq ister boiynsha anyqtalǵan zalal somasy 38,4 mlrd teńgeni qurady, onyń shamamen 32 mlrd teńgesi memleketke keltirilgen zalal. Memleket kirisine 21,1 mlrd teńge óteldi, 9,6 mlrd teńgeniń múlkine tyiym salyndy.
Taǵy bir basty baǵyt retinde qarjy piramidalarymen (29 qylmystyq is tirkelgen), zańsyz oiyn mekemelerimen (117 qylmystyq is, 160 oryn joiylǵan), sondai-aq, jalǵan aqsha jasaýmen (161 is) kúres máselesi bolyp tabylady.
