QR Premer-Ministri Asqar Maminniń tóraǵalyǵymen ótken Úkimet otyrysynda elektrondy saýdany damytý máselesi qaraldy.
Bul baǵytta atqarylyp jatqan jumys týraly saýda jáne integratsiia ministri B. Sultanov jáne tsifrlyq damý, innovatsiialar jáne aeroǵarysh ónerkásibi ministri mindetin ýaqytsha atqarýshy B. Mýsin baiandady, dep habarlaidy "Ult aqparat".
Biyl birinshi jartyjyldyqta Qazaqstanda elektrondy saýdanyń bólshek taýar ainalymyndaǵy kólemi bir jarym eseden asa ósti.
Premer-Ministr elektrondy saýdanyń perspektivasy zor ekenin, ári ekonomikanyń ilespe sektorlary – logistikaǵa, konteinerlik tasymaldaýǵa, kýrerlik qyzmetterge, tsifrlyq servister men qyzmetterge, qolma-qol aqshasyz ainalymǵa, eńbek naryǵyna jáne taǵy basqalarǵa mýltiplikativti áserin tigizetinin atap ótti.
«Bizdiń aldymyzda elektrondy saýda rásimderin jeńildetip, qarjylandyrýǵa jol ashatyn, internet arqyly mámile jasaýǵa senimdilikti nyǵaitatyn, sondai-aq kiberqylmystarǵa qarsy áreket etýge múmkindik beretin tiimdi sharalardy qalyptastyrý mindeti tur», - dedi A. Mamin.
Úkimet basshysy 2025 jylǵa qarai, QR-nyń elektrondy saýda sektorynda aralas salalardy eskere otyryp, shamamen 300 myńnan asa jańa jumys orny men mamandyǵy ashylatyny boljanyp otyrǵanyn jetkizdi. Osy rette, Premer-Ministr Saýda ministrligine Eńbek ministrligimen, «Atameken» UKP-men jáne iri internet-dúkendermen birge kásipkerlerdi onlain-saýdany tiimdi júrgizýge oqytý boiynsha arnaiy baǵdarlama ázirleýdi, sonyń ishinde, osy baǵdarlamaǵa jastardy belsendi tartýdy tapsyrdy.
Saýda logistikasyn odan ári tiimdi damytý maqsatynda saýda, tsifrlyq damý ministrlikterine fýlfilment-ortalyqtar jelisin jáne qazirgi tańda qurylyp jatqan Ulttyq taýar ótkizý júiesin damytý boiynsha Jospardy úilestirý, al Qazaqstannyń Damý bankimen birlesip onlain-saýdada jańa nesielendirý ónimderin qarastyrý máselesin pysyqtaý tapsyryldy.
«Innovatsiialyq tehnologiialyq sheshimderdi qoldaný osy saladaǵy zańnamaǵa ózgerister men tolyqtyrýlar engizýdi talap etedi», - dep A. Mamin, tsifrlyq damý ministrligine tiisti zań jobasyn ázirleýdi jedeldetip, Úkimettiń qaraýyna aǵymdaǵy jyly usynýdy júktedi.
Úkimet basshysy «bir tereze» qaǵidaty boiynsha onlain saýdadaǵy tutynýshylardyń shaǵymdary men usynystaryn qabyldaýdyń Biryńǵai platformasyn iske qosý jumysyn jandandyryp, tiimdi keri bailanysty jolǵa qoiýdy tapsyrdy.
A. Mamin elektrondy saýdany damytýdyń 2023 jylǵa deiingi Jol kartasyn jandandyrý mindetin qoidy.
