QR Premer-Ministriniń birinshi orynbasary - Qarjy ministri Álihan Smaiylov «Nur Otan» partiiasynyń Respýblikalyq qoǵamdyq qabyldaýynda azamattardy jeke qabyldady. Bul týraly "Ult aqparat" primeminister.kz saityna silteme jasap habarlaidy.
Á. Smaiylov elimizdiń túrli óńirleri turǵyndarynyń suraqtaryna jaýap berdi.
Máselen, partiia qabyldaýyna «HILL Sorparation» JShS memlekettik organdarmen ózara is-qimyl jónindegi direktory Jantý Mamashev elden avtokólikpen ashyq tústi munai ónimderin tasymaldaýǵa tyiym salýǵa qatysty máselemen júgindi. Buǵan JShS úshin eksporttyq kelisimsharttar mindettemelerin oryndaý boiynsha jol berýge bolmaidy. Ol Á. Smaiylovtan elden avtokólikpen ashyq tústi munai ónimderin shyǵarýǵa tyiym salý týraly buiryqqa ózgerister engizý boiynsha yqpal etýdi ótindi.
Birinshi vitse-premer atap ótkendei, Memlekettik kirister komiteti avtokólikpen elden ashyq tústi munai ónimderin shyǵarýǵa tyiym salatyn túzetýlerge qatysty túsinik bergen. Sondyqtan mundai problema týyndamaýy tiis. Biyl qazan aiynyń sońyna deiin atalǵan másele sheshilýi kerek.
Qazaqstannan qara jáne tústi metaldar synyqtaryn tasymaldaýǵa tyiym salýdy engizý týraly «Shymkent Temir» JShS ókili Begim Qudabaev júgindi.
«Bul máseleni sheshýdiń eki joly bar. Birinshisi - tasymaldaýǵa tyiym salý. Ekinshisi - litsenziialaý. Ony qabyldaǵan jaǵdaida bul sala ózdiginen retteletin bolady. Óitkeni litsenziiasy barlar litsenziiasy joqtarǵa metall synyqtaryn jinaýǵa múmkindik bermeidi. Demek, memlekettik organdarmen qoian-qoltyq jumys isteitin bolady. Sondyqtan litsenziia qabyldanǵan jaǵdaida metall synyqtaryn shetelge shyǵarý kólemi birshama azaiatyn bolady», — dedi Álihan Smaiylov.
Onyń aitýynsha, osy másele boiynsha buiryq jobasy ázirlenetin bolady, biraq ortaq sheshimge kelý úshin eki taraptyń da talqylaýy qajet.
Sonymen qatar qabyldaýda jeke máseleler de qaraldy. Máselen, Shynykúl Ózbekova qaza tapqan nemeresiniń otbasy úshin turǵyn úi máselesin sheshý ótinishimen júgindi. Másele qoǵamdyq qabyldaýda Qorǵanys ministrliginiń ókilderimen birge talqylandy.
Qabyldaýda budan basqa Salyq kodekesine jeke sot oryndaýshylarynyń aýktsiondyq alymdardy tóleýine qatysty ózgerister engizý týraly másele kóterildi, Á. Smaiylov qazirgi jaǵdaidy túsindirip, Qarjy ministrliginiń osy másele boiynsha ustanymyn jetkizdi.
«Nur Otan» partiiasynyń qoǵamdyq qabyldaýynda kóterilgen barlyq máseleler ministrdiń jeke baqylaýyna alynatyn bolady.
.jpeg)