Jumyspen qamtylǵan múgedektigi bar adamdardyń úlesi 2020 jylǵy 23 paiyzdan 2025 jyly 30 paiyzǵa deiin artady. Bul týraly Májiliste «Nur Otan» partiiasynyń sailaý aldyndaǵy mindettemelerin iske asyrýǵa arnalǵan talqylaý kezinde Premer-Ministr Asqar Mamin málim etti, dep habarlaidy QazAqparat.
«Erekshe qajettilikteri bar adamdardy qoldaýdy kúsheitý jáne olardy ekonomikalyq ómirge aralastyrý boiynsha sharalar iske asyrylady. Jumyspen qamtylǵan múgedektigi bar adamdardyń úlesi 2020 jylǵy 23 paiyzdan 2025 jyly 30 paiyzǵa deiin artady», - dedi A. Mamin.
Onyń aitýynsha, osy jyly múgedektigi bar adamdardyń 80 paiyzy qajetti tehnikalyq quraldarmen jáne ońaltý qyzmetterimen qamtamasyz etiledi, al 2025 jyly barlyq muqtaj adamdar tolyǵymen qamtylady.
«Únemi kútimdi qajet etetin jáne jeke kómekshiniń qyzmetterin paidalanbaityn birinshi toptaǵy múgedektigi bar azamattardyń barlyǵyna 1,4 eń tómengi kúnkóris deńgeii mólsherinde qosymsha áleýmettik járdemaqy beriletin bolady. 5 jyldyń ishinde bul maqsattarǵa 73,2 mlrd teńge bólinedi», - dedi Premer-Ministr.
Onyń sózine qaraǵanda, 2021 jyly múgedektigi bar adamdardy jumysqa ornalastyrý, psihologiialyq jáne quqyqtyq kómek kórsetý máseleleri boiynsha 15 ortalyq ashylady.
