© Sputnik / Vladislav Vodnev
Kelesi jyldan bastap birinshi synyp oqýshylaryn planshetpen qamtamasyz etý kózdelip otyr. Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málimdedi, dep habarlaidy Sputnik Qazaqstan.
"2023 jyldan bastap 1-synyp oqýshylaryna 400 myń planshet berý kózdelip otyr. Biraq munyń sheshimi áli qabyldanǵan joq. Bul - bizdiń usynysymyz. Muny oryndaý úshin qarjy ministrligimen birigip, biýdjettik protsesterdi zerdelep, biýdjetke ótinim berýimiz kerek", - dedi ministr Úkimet kýlýarynda.
Aitýynsha, planshettermen qamtamasyz etý mobildik operatorlarmen birigip jasalady. Óitkeni operatorlar oǵan "simka" ornatyp, baqylaýy qajet.
Shetelge táýeldi bolmas úshin búldirshinderdi Qazaqstanda jasalǵan planshettermen qamtamasyz etý kózdelip otyr.
"Biz bizneske osyndai planshetter qajet dep saýal joldadyq. Olar ony memleketke sata alady. Al memleket operatorlar arqyly oqýshylarǵa taratady. Biz bizneske osyndai usynys aittyq, endi jaýabyn kútemiz", - dedi ol.
Mýsin ázirge Qazaqstanda planshet shyǵarylmaitynyn atap ótti. Tek kompiýter men noýtbýk shyǵaratyn zaýyt qana bar.
"Planshet shyǵarý úshin basqa liniia qajet. Sondyqtan ony biznes talqylaýy qajet", - dedi Mýsin.
