2019 jyldyń qorytyndysy boiynsha Qazaqstanda jasalǵan jemqorlyqqa qatysty qylmystyń árbir jetinshisi - memlekettik satyp alý salasyna qatysty bolǵan, dep habarlaidy "Ult aqparat".
«Memlekettik satyp alý salasynda edáýir mol qarajat baryn bilesizder. Ondaǵy qarajat jyldan jylǵa kóbeiip keledi. Búgingi kúnniń ózinde qarajat kólemi 4 trln teńgeni quraidy. Aqsha edáýir mol. Sol sebepti munda jemqorlyq qaýpi de bar. Tergeý tájiribesi de osy jaidy rastaidy. 2019 jyldyń ózinde sybailas jemqorlyqqa qatysty árbir jetinshi qylmys memlekettik satyp alý salasyna qatysty bolǵan. Meniń oiymsha mundaǵy qylmystyń jii tirkelýi – bul salaǵa qatysýshylardyń kóp bolýymen tikelei bailanysty. Memlekettik satyp alý salasynda elimizde 24 myńǵa tarta tapsyrys berýshi men 100 myńǵa tarta tasymaldaýshy jumys isteidi», - dedi Sybailas jemqorlyqqa qarsy is-qimyl agenttiginiń preventsiia departamentiniń sybailas jemqorlyqqa qarsy departamentiniń basqarmasy basshysy Daniiar Iakýpov agenttikte ótken onlain rejimdegi baspasóz máslihatynda.
Onyń aitýynsha memlekettik satyp alý salasynda qylmysqa baratyndar kóp qatysýshynyń ishinde iz jasyryp ketýge tyrysady.
«Osy jyldyń birinshi toqsanynyń ózinde sybailas jemqorlyqqa qarsy is-qimyl agenttigi memlekettik satyp alý salasyna qatysty 200-ge tarta qylmystyq is qozǵady. Biz aiyptylardy qansha ustaǵanymyzben tuiyq sheńber qalyptasyp qalǵanyn baiqaimyz. Birin ustasaq, ekinshisi paida bolady. Álbette bul jaǵdaiǵa halyq ta narazy. Jaǵdaidyń bulai sheksiz jalǵasa beretinin túsine otyryp, agenttik aldyn alý jumystaryna basa mańyz beredi. Iaǵni árbir jemqordyń artynan júgirip júrmei, memlekettik satyp alý salasynda jemqorlyqqa jol bermeitin mehanizmderdi ázirlep jatyr», - dedi ol.
