2019 جىلدىڭ قورىتىندىسى بويىنشا قازاقستاندا جاسالعان جەمقورلىققا قاتىستى قىلمىستىڭ ەربٸر جەتٸنشٸسٸ - مەملەكەتتٸك ساتىپ الۋ سالاسىنا قاتىستى بولعان, دەپ حابارلايدى "ۇلت اقپارات".
«مەملەكەتتٸك ساتىپ الۋ سالاسىندا ەدەۋٸر مول قاراجات بارىن بٸلەسٸزدەر. ونداعى قاراجات جىلدان جىلعا كٶبەيٸپ كەلەدٸ. بٷگٸنگٸ كٷننٸڭ ٶزٸندە قاراجات كٶلەمٸ 4 ترلن تەڭگەنٸ قۇرايدى. اقشا ەدەۋٸر مول. سول سەبەپتٸ مۇندا جەمقورلىق قاۋپٸ دە بار. تەرگەۋ تەجٸريبەسٸ دە وسى جايدى راستايدى. 2019 جىلدىڭ ٶزٸندە سىبايلاس جەمقورلىققا قاتىستى ەربٸر جەتٸنشٸ قىلمىس مەملەكەتتٸك ساتىپ الۋ سالاسىنا قاتىستى بولعان. مەنٸڭ ويىمشا مۇنداعى قىلمىستىڭ جيٸ تٸركەلۋٸ – بۇل سالاعا قاتىسۋشىلاردىڭ كٶپ بولۋىمەن تٸكەلەي بايلانىستى. مەملەكەتتٸك ساتىپ الۋ سالاسىندا ەلٸمٸزدە 24 مىڭعا تارتا تاپسىرىس بەرۋشٸ مەن 100 مىڭعا تارتا تاسىمالداۋشى جۇمىس ٸستەيدٸ», - دەدٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ پرەۆەنتسييا دەپارتامەنتٸنٸڭ سىبايلاس جەمقورلىققا قارسى دەپارتامەنتٸنٸڭ باسقارماسى باسشىسى دانييار ياكۋپوۆ اگەنتتٸكتە ٶتكەن ونلاين رەجيمدەگٸ باسپاسٶز مەسليحاتىندا.
ونىڭ ايتۋىنشا مەملەكەتتٸك ساتىپ الۋ سالاسىندا قىلمىسقا باراتىندار كٶپ قاتىسۋشىنىڭ ٸشٸندە ٸز جاسىرىپ كەتۋگە تىرىسادى.
«وسى جىلدىڭ بٸرٸنشٸ توقسانىنىڭ ٶزٸندە سىبايلاس جەمقورلىققا قارسى ٸس-قيمىل اگەنتتٸگٸ مەملەكەتتٸك ساتىپ الۋ سالاسىنا قاتىستى 200-گە تارتا قىلمىستىق ٸس قوزعادى. بٸز ايىپتىلاردى قانشا ۇستاعانىمىزبەن تۇيىق شەڭبەر قالىپتاسىپ قالعانىن بايقايمىز. بٸرٸن ۇستاساق, ەكٸنشٸسٸ پايدا بولادى. ەلبەتتە بۇل جاعدايعا حالىق تا نارازى. جاعدايدىڭ بۇلاي شەكسٸز جالعاسا بەرەتٸنٸن تٷسٸنە وتىرىپ, اگەنتتٸك الدىن الۋ جۇمىستارىنا باسا ماڭىز بەرەدٸ. ياعني ەربٸر جەمقوردىڭ ارتىنان جٷگٸرٸپ جٷرمەي, مەملەكەتتٸك ساتىپ الۋ سالاسىندا جەمقورلىققا جول بەرمەيتٸن مەحانيزمدەردٸ ەزٸرلەپ جاتىر», - دەدٸ ول.
