Foto: ashyq derekkóz
Bas prokýratýra men Qarjy monitoringi agenttiginiń birlesken jumysy nátijesinde munai ónimderiniń zańsyz ainalymyna qatysy bar degen kúdikke ilingen Qazaqstan azamaty Birikken Arab Ámirlikterinen elge ekstraditsiialandy, dep habarlaidy Ult.kz.
Tergeý derekterine sáikes, kúdikti 2022–2023 jyldary Aqtóbe oblysynda kommertsiialyq uiymnyń bas direktory bola tura, aldyn ala sóz bailasqan adamdar tobymen birge jalpy somasy 300 million teńgeden astam kólemdegi munaidy zańsyz ótkizgen.
Qylmys jasaǵannan keiin ol elden qashyp, halyqaralyq izdeýge jariialanǵan. 2024 jyly izdeýdegi azamat Dýbaida anyqtalyp, Bas prokýratýranyń resmi suraýy negizinde Qazaqstanǵa ekstraditsiialandy.
Qazir kúdikti ýaqytsha ustaý izoliatoryna qamalǵan.
Aita keteiik, bul is boiynsha onyń sybailasy 2024 jyly sot úkimimen bas bostandyǵynan aiyrylǵan.
Qoldanystaǵy zańnamaǵa sáikes, atalǵan qylmys úshin 3 jyldan 6 jylǵa deiin bas bostandyǵynan aiyrý jáne múlkin tárkileý jazasy qarastyrylǵan.
