Almatyda 61 jastaǵy turǵynnyń ólimine qatysty qylmystyq is boiynsha tórtinshi kúdikti qolǵa tústi. Buǵan deiin er adamdy páterinen es-tússiz kúide kóterip áketken sát beinekameraǵa túsip, áleýmettik jelide taraǵan edi, dep habarlaidy ult.kz.
Almaty qalalyq politsiia departamentiniń málimetinshe, qylmysty tergeý úshin Ishki ister ministrliginiń tájiribeli qyzmetkerlerinen arnaiy tergeý-jedel toby qurylǵan.
Tergeý barysynda oqiǵanyń mán-jaiy, kúdiktilerdiń jeke basy jáne olardyń marqumnyń páterin zańsyz iemdenýge qatysy bolýy múmkin ekeni anyqtalǵan. Qazir tórt kúdiktiniń barlyǵy ýaqytsha ustaý izoliatoryna qamaldy. Qajetti tergeý amaldary jalǵasyp jatyr.
Politsiianyń habarlaýynsha, istiń tergelýi Ishki ister ministriniń jeke baqylaýynda.
Eske salaiyq, buǵan deiin áleýmettik jelide tańǵy saǵat 04:34-te túsirilgen beinejazba taraǵan. Kadrlarda er adamnyń basyna paket kigizip, es-tússiz kúide kóterip áketken sát beinelengen. Jeli qoldanýshylary oqiǵaǵa «zańsyz rieltorlardyń» qatysy bolýy múmkin ekenin boljaǵan.
Keiin politsiia úsh kúdiktiniń ustalǵanyn habarlady. Endi olardyń sany tórteýge jetti.
