Foto: QR OAM
Memleket basshysy jariialaǵan Jumysshy mamandyqtar jyly aiasynda tehnikalyq jáne kásiptik bilim berý júiesi aitarlyqtai alǵa qadam basty. Transformatsiianyń negizgi tetikteriniń biri – kolledjderge kásiporyndardyń sheftik qoldaý kórsetýi boldy, dep habarlaidy Ult.kz.
Eger ótken jyly kolledjder men biznes arasyndaǵy kelisimder sany 498 bolsa, búginde ol 4,1 myńnan asty, iaǵni 8 esege ósti. Bul seriktestikke iri, shaǵyn biznes ókilderi belsendi qatysýda.
Sheftik qoldaýdyń kómegimen kolledjderdiń materialdyq-tehnikalyq bazasy men bilim berý baǵdarlamalary suranysqa sai jańartylyp, stýdentter men oqytýshylarǵa arnalǵan taǵylymdamalar uiymdastyryldy.
«Tehnikalyq jáne kásiptik bilim berý júiesinde biznespen áriptestik belsendi túrde nyǵaiyp keledi. Jumys berýshiler 8 myńnan astam bilim berý baǵdarlamasyn ázirleýge qatysty, sonymen qatar oqý kabinetteri men zerthanalar jańartylýda», – dep atap ótti departament direktory Áset Muhanbetov.
Aita ketý kerek, búginde 100 myńnan astam stýdent dýaldy júiemen oqidy, 40 myńnan astamy kásiporyndardyń tapsyrysy boiynsha bilim alýda, onyń ishinde 15 myńy biylǵy oqý jylynda qabyldanǵan.
Tiimdiliktiń negizgi kórsetkishteriniń biri – túlekterdiń jumysqa ornalasý deńgeiiniń artýy. 2024 jyly kolledj túlekteriniń jumyspen qamtylý kórsetkishi 81%-ǵa jetti.
.jpeg)