«Nur Otan» partiiasynyń ishki sailaýynan 34 úmitker shyǵaryldy, onyń 28-i pikirtalasqa qatyspaǵan. Bul týraly «Nur Otan» partiiasynyń Partiialyq baqylaý komitetiniń tóraǵasy Pavel Kazantsev málimdedi, dep habarlaidy QazAqparat.
«Bizde 34 úmitker praimerizden shyǵaryldy, onyń 28-i pikirtalasqa qatyspaǵan. Bul – árine úlken ereje buzý bolyp sanalady, sondyqtan bul úmitkerler avtomatty túrde shyǵaryldy», - dedi Pavel Kazantsev QR Prezidenti janyndaǵy Ortalyq kommýnikatsiialar qyzmetinde.
Onyń aitýynsha, qalǵan alty úmitkerdiń de óreskel ereje buzǵany anyqtaldy.
«Munda ár túrli kemshilikter anyqtaldy. Partiia músheligine qabyldaý tártibi saqtalmaǵan, iaǵni qosymsha daýys jinaý úshin bastaýysh partiialyq uiymdardy oidan qurǵan. Odan keiin jalǵan telefon nómirlerin qoldanyp, bir nómirge birneshe JSN tirkep qoiǵan nemese túrli JSN túrli nómirlermen daýys bergen, sim-kartalardyń barlyǵy tamyz aiynda satyp alynǵan. Aldaý jolymen daýys jinaǵandar da bar», - dep túsindirdi Pavel Kazantsev.
Barlyq anyqtalǵan buzýshylyqtarǵa tekserý júrgizildi jáne aiyptylar jaýapqa tartyldy.
Eske sala ketsek, «Nur Otan» partiiasynyń hatshysy Arman Qyryqbai «Praimeriz 2020» ishki partiialyq irikteýiniń negizgi qorytyndysyn baiandady.
Onyń aitýynsha, praimerizge uzyn sany 10 990 kandidat qatysqan jáne onyń 7 143-i ózin-ózi usynǵan. Úmitkerlerdiń ortasha jasy – 43. Onyń 36,7% astamy – áielder, 29% – 35 jasqa deiingi jastar boldy.
.jpeg)