Ótken táýlikte Qazaqstanda koronavirýs juqqany testpen dáleldengen 777 adam anyqtaldy, 159 adam koronavirýs pnevmoniiasyna shaldyqqan. PTR-test koronavirýs baryn kórsetken 7 adam, koronavirýs pnevmoniiasynan 2 adam qaitys bolǵan.
Naýryz aiynan beri koronavirýsy testpen dáleldengen 139 159 adam tirkelgen, 2 112 adam ólip, 122 myńnan astamy jazylǵan.
9 jeltoqsanda eń kóp naýqas Nur-Sultannan shyqty (121 adam). Koronavirýs boiynsha "sary aimaqta" turǵan Nur-Sultanda naýqas kóbeie túskeni baiqalady. Shyǵys Qazaqstan oblysynda - 99, Pavlodar oblysynda - 98, Almaty qalasynda - 74, Qostanai oblysynda - 73, Soltústik Qazaqstan oblysynda - 72, Aqmola oblysynda - 66, Almaty oblysy - 38, Qaraǵandy oblysy - 30, Batys Qazaqstan oblysy - 29, Atyraý oblysy - 28, Jambyl oblysy - 24, Mańǵystaý oblysy - 9, Aqtóbe oblysy - 5, Túrkistan oblysy - 5, Shymkent qalasy - 4, Qyzylorda oblysy 2 adamnan koronavirýs infektsiiasy anyqtalǵan.
Qazaqstan 1 tamyzdan beri klinikalyq belgileri koronavirýsqa uqsas pnevmoniiaǵa arnaiy kod berip, jalpy pnevmoniiaǵa shaldyqqandardan bólek eseptep keledi. Sodan beri 43 498 adamǵa koronavirýs pnevmoniiasy diagnozy qoiylǵan. 4 aidan asa ýaqyt aralyǵynda 458 adam qaitys bolǵan. 31 myńnan astamy jazylǵan.
Densaýlyq saqtaý ministrliginiń málimetine sensek, Qazaqstanda osy ýaqytta 13832 adam koronavirýstan emdelip jatyr.
Ondaǵy aqparattarǵa qaraǵanda, eldegi statsionarlarda 3 762 naýqas jatyr, 10 070 adam ambýlatoriialyq jaǵdaida emdelýde.
Resmi málimetke qaraǵanda, koronavirýs juqqany testpen dáleldengen naýqastar arasynda 230 adamnyń jaǵdaiy aýyr, 41 adamnyń jaǵdaiy óte aýyr, 44 adam jasandy tynys apparatyna qosylǵan.
