10 qarashada Qazaqstanda 242 adamnan koronavirýs pnevmoniiasy anyqtaldy, 83 adam jazyldy, ótken táýlikte adam ólimi tirkelgen joq.
Qazaqstan biligi 1 tamyzdan bastap koronavirýsqa uqsas pnevmoniiaǵa bólek kod berip, pnevmoniianyń sol túrine shaldyqqandardy bólek eseptep keledi. Sodan beri 39 357 adamnan koronavirýs pnevmoniiasy anyqtalǵan, 410 adam qaitys bolǵan, 29 286 adam jazylǵan.
Seisenbi kúni koronavirýs juqqany testpen rastalǵandar arasynda 6 adam ólimi tirkelgen, naýryz aiynan beri koronavirýstan qaitys bolǵandar sany 1911 adamǵa jetti. Elde koronavirýs juqqany testpen dáleldengen 117 336 adam bar: 108 169-y jazylǵan.
Qazirgi ýaqytta koronavirýstyq infektsiiadan 7 606 adam em qabyldaýdy jalǵastyrýda. Olardyń arasynda 393 bala bar. Statsionarlarda 2 926 naýqas jatyr. 4 680 adam ambýlatoriialyq jaǵdaida emdelýde.
Sońǵy aptada Qazaqstannyń birqatar aimaqtarynda ásirese, Reseimen shekaralas aýmaqtarda karantin kúsheiip, blokbeketter qoiylǵan. SQO, BQO, ShQO, Pavlodar, Qostanai oblysy aýmaǵyna kirý úshin adamdarda koronavirýs juqpaǵanyn dáleldeitin PTR-test anyqtamasy bolýy kerek.
