10 قاراشادا قازاقستاندا 242 ادامنان كوروناۆيرۋس پنەۆمونيياسى انىقتالدى, 83 ادام جازىلدى, ٶتكەن تەۋلٸكتە ادام ٶلٸمٸ تٸركەلگەن جوق.
قازاقستان بيلٸگٸ 1 تامىزدان باستاپ كوروناۆيرۋسقا ۇقساس پنەۆمونيياعا بٶلەك كود بەرٸپ, پنەۆمونييانىڭ سول تٷرٸنە شالدىققانداردى بٶلەك ەسەپتەپ كەلەدٸ. سودان بەرٸ 39 357 ادامنان كوروناۆيرۋس پنەۆمونيياسى انىقتالعان, 410 ادام قايتىس بولعان, 29 286 ادام جازىلعان.
سەيسەنبٸ كٷنٸ كوروناۆيرۋس جۇققانى تەستپەن راستالعاندار اراسىندا 6 ادام ٶلٸمٸ تٸركەلگەن, ناۋرىز ايىنان بەرٸ كوروناۆيرۋستان قايتىس بولعاندار سانى 1911 ادامعا جەتتٸ. ەلدە كوروناۆيرۋس جۇققانى تەستپەن دەلەلدەنگەن 117 336 ادام بار: 108 169-ى جازىلعان.
قازٸرگٸ ۋاقىتتا كوروناۆيرۋستىق ينفەكتسييادان 7 606 ادام ەم قابىلداۋدى جالعاستىرۋدا. ولاردىڭ اراسىندا 393 بالا بار. ستاتسيونارلاردا 2 926 ناۋقاس جاتىر. 4 680 ادام امبۋلاتورييالىق جاعدايدا ەمدەلۋدە.
سوڭعى اپتادا قازاقستاننىڭ بٸرقاتار ايماقتارىندا ەسٸرەسە, رەسەيمەن شەكارالاس اۋماقتاردا كارانتين كٷشەيٸپ, بلوكبەكەتتەر قويىلعان. سقو, بقو, شقو, پاۆلودار, قوستاناي وبلىسى اۋماعىنا كٸرۋ ٷشٸن ادامداردا كوروناۆيرۋس جۇقپاعانىن دەلەلدەيتٸن پتر-تەست انىقتاماسى بولۋى كەرەك.
