Qazaqstandyq kásipker Aidyn Raqymbaev Shyǵys Qazaqstan oblysy Samar aýdanyndaǵy Qulynjon aýylynda balalyq shaǵy ótken úiin 30 jyldan keiin qaita satyp aldy, dep habarlaidy ult.kz.
Kásipkerdiń aitýynsha, úidi kezinde ákesi salǵan. Otbasy qalaǵa kóshken kezde baspana eki fliaga maiǵa satylyp ketken.
«Búkil álemim tórt kishkentai bólmege syiyp turǵan: anam, ákem, ájem, eki ápkem, aǵam jáne men», – dep eske aldy Raqymbaev.
Endi ol úidi jóndep, aýyl mektebiniń ustazdaryna bermek. Kásipkerdiń ózi osy mektepti 1989 jyly támamdaǵan.
«Úi otbasymyzǵa qyzmet etti, endi mektepke, aýylǵa jáne balalarymyzǵa bilim beretin ustazdarǵa qyzmet etsin», – dep jazdy ol.
Jaqynda Raqymbaev ulyn ertip, ózi ósken úige barǵan. Onyń aitýynsha, bul baspana ol úshin balalyq shaqtyń jyly estelikterin saqtaǵan qara shańyraq.
