قازاقستاندىق كەسٸپكەر ايدىن راقىمباەۆ شىعىس قازاقستان وبلىسى سامار اۋدانىنداعى قۇلىنجون اۋىلىندا بالالىق شاعى ٶتكەن ٷيٸن 30 جىلدان كەيٸن قايتا ساتىپ الدى, دەپ حابارلايدى ult.kz.
كەسٸپكەردٸڭ ايتۋىنشا, ٷيدٸ كەزٸندە ەكەسٸ سالعان. وتباسى قالاعا كٶشكەن كەزدە باسپانا ەكٸ فلياگا مايعا ساتىلىپ كەتكەن.
«بٷكٸل ەلەمٸم تٶرت كٸشكەنتاي بٶلمەگە سىيىپ تۇرعان: انام, ەكەم, ەجەم, ەكٸ ەپكەم, اعام جەنە مەن», – دەپ ەسكە الدى راقىمباەۆ.
ەندٸ ول ٷيدٸ جٶندەپ, اۋىل مەكتەبٸنٸڭ ۇستازدارىنا بەرمەك. كەسٸپكەردٸڭ ٶزٸ وسى مەكتەپتٸ 1989 جىلى تەمامداعان.
«ٷي وتباسىمىزعا قىزمەت ەتتٸ, ەندٸ مەكتەپكە, اۋىلعا جەنە بالالارىمىزعا بٸلٸم بەرەتٸن ۇستازدارعا قىزمەت ەتسٸن», – دەپ جازدى ول.
جاقىندا راقىمباەۆ ۇلىن ەرتٸپ, ٶزٸ ٶسكەن ٷيگە بارعان. ونىڭ ايتۋىنشا, بۇل باسپانا ول ٷشٸن بالالىق شاقتىڭ جىلى ەستەلٸكتەرٸن ساقتاعان قارا شاڭىراق.
