Ótken aptada elimizde áleýmettik mańyzy bar azyq-túlik baǵasy 0,2 paiyzǵa qymbattady, dep habarlaidy QazAqparat.
QR Saýda jáne integratsiia ministrliginiń málimetinshe, ótken aptada ásirese qyryqqabat – 3,4, kartop, airan – 0,9, sút, piiaz – 0,8, tuz – 0,7, qant, sábiz 0,4 paiyzǵa ósti.
Jumyrtqa - 0,4, kúnbaǵys maiy, taýyq eti, súzbe - 0,1 paiyzǵa arzandady.
Óńirler bólinisinde apta ishinde baǵanyń barynsha ósýi Almaty qalasynda 0,6, Shyǵys Qazaqstan, Qostanai jáne Qyzylorda oblystarynda 0,4 paiyz mólsherinde tirkeldi.
Almatyda qant baǵasyn turaqtandyrý úshin «ainalmaly shema» arqyly 5,8 myń tonna qant satyp alýǵa 1,5 mlrd teńge somasynda qaryz berildi.
Qalany erte kókónister men jemistermen qamtamasyz etý úshin jalpy somasy 2,5 mlrd teńgege 22 myń tonna jetkizýge forvardtyq kelisimsharttar jasaldy.
Kúrish pen tuzdyń baǵasyn turaqtandyrý maqsatynda Shyǵys Qazaqstan oblysynyń ákimdigi turaqtandyrý qorynyń rezervine 272 tonna kúrish pen 68 tonna tuz satyp alý máselesin jedel pysyqtady.
300 tonna kartop jetkizý boiynsha pavlodarlyq aýyl sharýashylyǵy taýar óndirýshilerimen kelissózder júrgizildi.
Kókónis ónimderiniń baǵasyn turaqtandyrý úshin «Agrofirma Prirechnoe» JShS-ne «revolverlik shema» boiynsha 0,5 mlrd teńge somasynda qaryz berildi.
«Qostanai oblysynda ákimdik qyryqqabattyń shekti ruqsat etilgen bólshek saýda baǵasyn 104 teńge jáne qant 289 teńgeni bekitti. Sondai-aq, turaqtandyrý qorynda qyryqqabattyń bes ailyq kólemi – 970 tonna, qant – 204 tonna bar. Qazir Azyq-túlik korporatsiiasy arqyly 136 tonna qantty qosymsha satyp alý jumystary júrgizilýde. Forvardtyq kelisimshart boiynsha 150 tonna qyryqqabatqa kelisimshart jasaldy. Sút baǵasyn turaqtandyrý úshin «Olja Prodýkt» JShS-ne «revolverlik shema» boiynsha 200,0 mln teńge qaryz berildi», - dep atap ótedi ministrlikten.
