Bioenergetik Arai Erkinbek qamaýǵa alynǵan Nursultan Jaqsygenge qatysty pikir bildirdi, dep habarlaidy ult.kz.
Onyń aitýynsha, Nursultanǵa aýyr jaza taǵaiyndalýyna onyń jáne Farizanyń ata-tegi arasyndaǵy burynnan kele jatqan jaýlyq sebep bolǵan.
«Fariza onyń sottalyp ketkenine qýanady. Odan da kóp jaza alǵanyn qalaidy», – dedi Arai Erkinbek.
Sondai-aq bioenergetik ózin sarapshy retinde tanystyryp, Nursultan Jaqsygendi emdei alatynyn málimdedi. Onyń sózinshe, bir ret em júrgizse, Nursultan túrmeden tolyqtai aman qalady.
«Men ekspert retinde Nursultan Jaqsygendi emdegim kelip tur. Ony bir ret emdeitin bolsam, ol túrmeden tolyqtai aman qalady», – dedi ol.
Aita keteiik, jýyrda ǵana akter burynǵy áielin balaǵattap, jalǵan aqparat taratqany úshin túrmege toǵytyldy.
Nursultan Jaqsygen kim?
Nursultan Jaqsygen – qazaqstandyq akter, shoýmen jáne «Jaidarman» jobasynyń burynǵy qatysýshysy. Ol serialdar men filmderge túsip, áleýmettik jelilerde de belsendi kontent jariialap júrgen. Onyń paraqshalarynyń bir kezeńde millionnan astam oqyrmany bolǵan.
Jeke ómirinde Nursultan Jaqsygen Fariza Almasqyzymen azamattyq nekede bolǵan. Eki ortaq balasy bar. Jup 2024 jyldyń sáýirinde birge turýdy toqtatqan.
2026 jyldyń qyrkúieginde Almaty oblysy Qarasai aýdandyq soty Nursultan Jaqsygenge qatysty úkim shyǵardy. Oǵan onlain-platformalar arqyly burynǵy jubaiy týraly ar-namysy men qadir-qasietine nuqsan keltiretin kórineý jalǵan aqparat taratty degen aiyp taǵylǵan.
Jaqsygen sotta kinásin moiyndamaǵan. Ol óz atynan áleýmettik jelilerde jalǵan paraqshalar ashylǵanyn aitqan.
Sot sheshimimen akter 2 jyl 3 aiǵa bas bostandyǵynan aiyryldy. Sondai-aq oǵan bes jyl boiy jýrnalistik, blogerlik jáne aqparat taratýǵa bailanysty jariia qyzmetpen ainalysýǵa tyiym salyndy.
Budan bólek, jábirlenýshiniń paidasyna 5 million teńge moraldyq ótemaqy óndirildi. Nursultan Jaqsygen sot zalynda qamaýǵa alyndy.
