Microsoft kompaniiasynyń negizin qalaýshy Bill Geits AQSh Kongresinde Djeffri Epshtein isine qatysty tergeý aiasynda jaýap berdi, dep habarlaidy ult.kz.
Milliarder Epshteinmen buryn aralasqanyn rastaǵanymen, onyń qandai zańsyz áreketterge qatysy baryn tolyq bilmegenin aitty.
Reuters málimetinshe, Geits Epshtein tarapynan eshqandai zań buzýshylyqty óz kózimen kórmegenin jetkizgen. Sonymen qatar, ol qarjygerdiń jeke ómirine qatysty aqparattardy paidalanyp, ózine qysym kórsetýge árekettengenin málimdedi.
«Epshtein meniń jeke ómirime qatysty málimetter men shyndyqqa janaspaityn aqparattardy paidalanyp, bailanysymyzdy qaita jalǵastyrýǵa yqpal etýge tyrysty», – dedi Geits.
Ol AQSh Ókilder palatasynyń Baqylaý jáne úkimettik reforma jónindegi komitetinde kýálik berdi. Qazirgi ýaqytta komitet Epshtein isi boiynsha tergeý barysyn, federaldyq organdardyń áreketterin jáne onyń seriktesi Gislein Maksvellge qatysty máselelerdi zerttep jatyr.
