Foto: baq.kz
QR Oqý-aǵartý ministri Qyzylorda oblysyna jumys saparymen keldi, dep habarlaidy «Ult aqparat» vedomstvoǵa silteme jasap.
Jańaqorǵan aýdanynda bilim salasyndaǵy sybailas jemqorlyqtyń aldyn alý boiynsha keńes ótti.
Oǵan óńirdegi bilim berý uiymdarynyń 1100 basshysy, býhgalterler, memlekettik jáne quqyq qorǵaý organdarynyń ókilderi qatysty.
Ministr bilim berý júiesinde qabyldanyp jatqan sharalar men bilim sapasyn arttyrýǵa basa nazar aýdardy.
«Ministrliktiń basym mindetteriniń biri - bilim berý uiymdaryn joǵary bilikti kadrlarmen qamtamasyz etý jáne bilim berý júiesindegi menedjmentti jaqsartý. Myqty basshylardy irikteý jáne daiarlaý baǵdarlamasy ázirlenýde. Barlyǵy ashyq ári aiqyn bolý úshin joǵary bilikti pedagogter bazasyn jáne mektep direktorlarynyń kadrlyq rezervin qurý josparlanýda», - dedi Ǵani Beisembaev.
Bilim salasyndaǵy sapany qamtamasyz etý komitetiniń tóraǵasy Ernur Dáýenov bilim berý júiesindegi sybailas jemqorlyq táýekelderine jáne tsifrlyq tehnologiialardy qoldana otyryp sheshý joldaryna toqtaldy.
Sondai-aq qazirgi jaǵdai týraly Qyzylorda oblysy bilim basqarmasynyń basshysy jáne sybailas jemqorlyqqa qarsy is-qimyl agenttigi departamenti basshysynyń birinshi orynbasary baiandama jasady.
Sybailas jemqorlyq faktilerine jol bermeý maqsatynda ministrlik aýmaqtyq bólimsheler, Sybailas jemqorlyqqa qarsy is-qimyl agenttigi, ákimdikter men máslihattar depýtattary jáne qoǵam ókilderin tarta otyryp monitoring toptarynqurýdy usyndy.
Barlyq oblystyq bilim basqarmalary, aýdandyq, qalalyq bilim bólimderin qamtityn «bilim aýditin» ótkizý josparlanǵan.
Esterińizge sala keteiik, buǵan deiin QR Oqý-aǵartý ministrligi men Sybailas jemqorlyqqa qarsy is qimyl agenttigi elimizdiń barlyq bilim berý uiymdarynda aýdit júrgizý týraly sheshim qabyldandy.
Birlesken taldaýdyń bastalýyna bilim berý salasyndaǵy túrli sybailas jemqorlyq qylmystar sebep boldy.
Olardyń basym bóligi Shymkent qalasy, Shyǵys Qazaqstan, Túrkistan jáne Qyzylorda oblystarynda.
Keńes qorytyndysy boiynsha bilim salasyndaǵy qazirgi jaǵdaidy ózgertý úshin keshendi sharalar qoldaný jóninde sheshim qabyldandy.
Ol - bilim berý uiymdarynda sybailas jemqorlyq táýekelderine taldaý júrgizý jáne qarjylyq tártipti kúsheitý.
Aita ketý kerek, sybailas jemqorlyqtyń aldyn alý sharalary elimizdiń barlyq óńirlerinde jalǵasady.
