Bilim berý salasynda tereń jan-jaqty oilastyrylmaǵan synaqtardy ótkizýge jol berýge bolmaidy. Bul týraly búgin QR Parlamenti Senatynda ótip jatqan «Orta bilim berý júiesiniń jai-kúii, problemalary jáne zańnamalyq retteý perspektivalar» taqyrybyna arnalǵan parlamenttik tyńdaý barysynda Senat tóraǵasy Qasym-Jomart Toqaev aitty, dep habarlaidy QazAqparat.
«Elimizde orta bilim berý salasy jii reformalar júrgiziletin salalardyń qataryna jatady. Sońǵy jyldary mektepterimiz únemi reformalar júrgizý rejiminde jumys isteýde. Soǵan qaramastan bul sala zaman talabyna sai jańǵyrtyldy dep aita almaimyz. Júrgizilgen reformalardyń tiimdiligi kórinetin nátijelerge áli de qol jetkizgen joqpyz. Mekteptegi bilim berý júiesinde jasalǵan jańalyqtar kóp jaǵdaida qoǵamdy aitarlyqtai tolǵandyrady», - dedi Senat tóraǵasy.
Osy rette ol atalǵan jaittyń basty sebebi retinde túsindirý sharalarynyń jetkiliksiz deńgeide júrgizilýine, bilim berý júiesindegi jańalyqtardyń tiisti deńgeide júzege aspaýyna jáne pedagog mamandardyń sapasyna tikelei bailanysty bolyp otyrǵanyn basa aitty.
«Múmkin bul mańyzdy saladaǵy reformalardyń úzdiksiz júrgizilýin toqtata turý qajet shyǵar. Qandai jetistikke jettik, qaida keldik, nege qol jetkizdik? Aldymen osylarǵa baǵa berip alý kerek. Bilim berý salasynda tereń jan-jaqty oilastyrylmaǵan synaqtardy ótkizýge jol berýge bolmaidy. Osy oraida qazaqtyń uly aqyny, aǵartýshy, ustaz Ahmet Baitursynovtyń jastardyń oqý, tárbie jumys túzelmei jurt isi túzelmeidi» degen qaǵidasyn qashanda este ustaǵanymyz jón», - dedi Qasym-Jomart Toqaev.
