بٸلٸم بەرۋ سالاسىندا تەرەڭ جان-جاقتى ويلاستىرىلماعان سىناقتاردى ٶتكٸزۋگە جول بەرۋگە بولمايدى. بۇل تۋرالى بٷگٸن قر پارلامەنتٸ سەناتىندا ٶتٸپ جاتقان «ورتا بٸلٸم بەرۋ جٷيەسٸنٸڭ جاي-كٷيٸ, پروبلەمالارى جەنە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتٸك تىڭداۋ بارىسىندا سەنات تٶراعاسى قاسىم-جومارت توقاەۆ ايتتى, دەپ حابارلايدى قازاقپارات.
«ەلٸمٸزدە ورتا بٸلٸم بەرۋ سالاسى جيٸ رەفورمالار جٷرگٸزٸلەتٸن سالالاردىڭ قاتارىنا جاتادى. سوڭعى جىلدارى مەكتەپتەرٸمٸز ٷنەمٸ رەفورمالار جٷرگٸزۋ رەجيمٸندە جۇمىس ٸستەۋدە. سوعان قاراماستان بۇل سالا زامان تالابىنا ساي جاڭعىرتىلدى دەپ ايتا المايمىز. جٷرگٸزٸلگەن رەفورمالاردىڭ تيٸمدٸلٸگٸ كٶرٸنەتٸن نەتيجەلەرگە ەلٸ دە قول جەتكٸزگەن جوقپىز. مەكتەپتەگٸ بٸلٸم بەرۋ جٷيەسٸندە جاسالعان جاڭالىقتار كٶپ جاعدايدا قوعامدى ايتارلىقتاي تولعاندىرادى», - دەدٸ سەنات تٶراعاسى.
وسى رەتتە ول اتالعان جايتتىڭ باستى سەبەبٸ رەتٸندە تٷسٸندٸرۋ شارالارىنىڭ جەتكٸلٸكسٸز دەڭگەيدە جٷرگٸزٸلۋٸنە, بٸلٸم بەرۋ جٷيەسٸندەگٸ جاڭالىقتاردىڭ تيٸستٸ دەڭگەيدە جٷزەگە اسپاۋىنا جەنە پەداگوگ مامانداردىڭ ساپاسىنا تٸكەلەي بايلانىستى بولىپ وتىرعانىن باسا ايتتى.
«مٷمكٸن بۇل ماڭىزدى سالاداعى رەفورمالاردىڭ ٷزدٸكسٸز جٷرگٸزٸلۋٸن توقتاتا تۇرۋ قاجەت شىعار. قانداي جەتٸستٸككە جەتتٸك, قايدا كەلدٸك, نەگە قول جەتكٸزدٸك? الدىمەن وسىلارعا باعا بەرٸپ الۋ كەرەك. بٸلٸم بەرۋ سالاسىندا تەرەڭ جان-جاقتى ويلاستىرىلماعان سىناقتاردى ٶتكٸزۋگە جول بەرۋگە بولمايدى. وسى ورايدا قازاقتىڭ ۇلى اقىنى, اعارتۋشى, ۇستاز احمەت بايتۇرسىنوۆتىڭ جاستاردىڭ وقۋ, تەربيە جۇمىس تٷزەلمەي جۇرت ٸسٸ تٷزەلمەيدٸ» دەگەن قاعيداسىن قاشاندا ەستە ۇستاعانىمىز جٶن», - دەدٸ قاسىم-جومارت توقاەۆ.
