QR Bilim jáne ǵylym ministri Ashat Aimaǵambetov sirek basylymdardyń saqtalý qaýipsizdigi máselesin talqylady, dep habarlaidy QazAqparat.
Vedomstvo basshysy Almatyǵa jumys sapary barysynda «Ǵylym orda» ortalyǵynda bolyp, Ortalyq ǵylymi kitaphananyń, muraǵattyń, sirek basylymdar qoimasynyń jumysymen tanysty.
«Ortalyqtyń qundylyǵy erekshe, sebebi onda bizdiń ǵylymi jáne mádeni muramyz, otandyq ǵalymdardyń ǵylymi-zertteý jáne aǵartýshylyq jumystary saqtalǵan.
«Almaty tragediiasy» kezinde bolǵan oqiǵalardy eskere otyryp, osyndai óte qundy qorlardyń saqtalýyn qamtamasyz etý óte ózekti.
Olardy tsifrlandyrýdy júrgizý, rezervtik kóshirmeler jasaýdy, katalogtandyrýdy, qyzmetkerlerdi oqytýdy, qoljazbalardy jáne basqa da derekkózderdi ǵylymi ainalymǵa engizýdi, ejelgi qujattardy qalpyna keltirýdi qamtamasyz etý qajet. Sondai-aq ótken oqiǵalar aiasynda olardyń saqtalý qaýipsizdigin qamtamasyz etý de mańyzdy.
Saparymnyń qorytyndysy boiynsha arnaiy ónerkásiptik skanerlerdi, tozǵan qundy kitaptar men ejelgi qoljazbalardy qalpyna keltirýge arnalǵan zerthanalyq jabdyqtardy, saqtaýǵa arnalǵan arnaiy sóreler men jáshikterdi, sondai-aq qoimalardy qajetti temperatýralyq jaǵdailarmen qamtamasyz etýge arnalǵan jabdyqtardy satyp alýǵa qarajat bólý týraly sheshim qabyldandy», - dep jazdy ministr Facebook-te.
Ashat Aimaǵambetov ǵalymdarmen birge ǵylymi ortalyqtyń jumysyn jańa deńgeige kóterý máselesin de talqylaǵan.
«Óz tarapymnan, ministrlik ǵylymi jumystardy tsifrlandyrý, bilikti mamandardy tartý, Ulttyq muraǵat qory materialdarynyń rezervtik kóshirmelerin jasaý jáne jalpy osy ortalyqtyń barlyq ózekti máselelerin sheshýdi baqylaýǵa alatynymyzdy atap ótkim keledi», - dedi Bilim ministri.
