قر بٸلٸم جەنە عىلىم مينيسترٸ اسحات ايماعامبەتوۆ سيرەك باسىلىمداردىڭ ساقتالۋ قاۋٸپسٸزدٸگٸ مەسەلەسٸن تالقىلادى, دەپ حابارلايدى قازاقپارات.
ۆەدومستۆو باسشىسى الماتىعا جۇمىس ساپارى بارىسىندا «عىلىم وردا» ورتالىعىندا بولىپ, ورتالىق عىلىمي كٸتاپحانانىڭ, مۇراعاتتىڭ, سيرەك باسىلىمدار قويماسىنىڭ جۇمىسىمەن تانىستى.
«ورتالىقتىڭ قۇندىلىعى ەرەكشە, سەبەبٸ وندا بٸزدٸڭ عىلىمي جەنە مەدەني مۇرامىز, وتاندىق عالىمداردىڭ عىلىمي-زەرتتەۋ جەنە اعارتۋشىلىق جۇمىستارى ساقتالعان.
«الماتى تراگەديياسى» كەزٸندە بولعان وقيعالاردى ەسكەرە وتىرىپ, وسىنداي ٶتە قۇندى قورلاردىڭ ساقتالۋىن قامتاماسىز ەتۋ ٶتە ٶزەكتٸ.
ولاردى تسيفرلاندىرۋدى جٷرگٸزۋ, رەزەرۆتٸك كٶشٸرمەلەر جاساۋدى, كاتالوگتاندىرۋدى, قىزمەتكەرلەردٸ وقىتۋدى, قولجازبالاردى جەنە باسقا دا دەرەككٶزدەردٸ عىلىمي اينالىمعا ەنگٸزۋدٸ, ەجەلگٸ قۇجاتتاردى قالپىنا كەلتٸرۋدٸ قامتاماسىز ەتۋ قاجەت. سونداي-اق ٶتكەن وقيعالار اياسىندا ولاردىڭ ساقتالۋ قاۋٸپسٸزدٸگٸن قامتاماسىز ەتۋ دە ماڭىزدى.
ساپارىمنىڭ قورىتىندىسى بويىنشا ارنايى ٶنەركەسٸپتٸك سكانەرلەردٸ, توزعان قۇندى كٸتاپتار مەن ەجەلگٸ قولجازبالاردى قالپىنا كەلتٸرۋگە ارنالعان زەرتحانالىق جابدىقتاردى, ساقتاۋعا ارنالعان ارنايى سٶرەلەر مەن جەشٸكتەردٸ, سونداي-اق قويمالاردى قاجەتتٸ تەمپەراتۋرالىق جاعدايلارمەن قامتاماسىز ەتۋگە ارنالعان جابدىقتاردى ساتىپ الۋعا قاراجات بٶلۋ تۋرالى شەشٸم قابىلداندى», - دەپ جازدى مينيستر Facebook-تە.
اسحات ايماعامبەتوۆ عالىمدارمەن بٸرگە عىلىمي ورتالىقتىڭ جۇمىسىن جاڭا دەڭگەيگە كٶتەرۋ مەسەلەسٸن دە تالقىلاعان.
«ٶز تاراپىمنان, مينيسترلٸك عىلىمي جۇمىستاردى تسيفرلاندىرۋ, بٸلٸكتٸ مامانداردى تارتۋ, ۇلتتىق مۇراعات قورى ماتەريالدارىنىڭ رەزەرۆتٸك كٶشٸرمەلەرٸن جاساۋ جەنە جالپى وسى ورتالىقتىڭ بارلىق ٶزەكتٸ مەسەلەلەرٸن شەشۋدٸ باقىلاۋعا الاتىنىمىزدى اتاپ ٶتكٸم كەلەدٸ», - دەدٸ بٸلٸم مينيسترٸ.
