Eliýmizdiń astanasynda Bilim jáne ǵylym ministri Ashat Aimaǵambetov BAQ ókilderiniń aldynda esep berdi, – dep habarlaidy Ult aqparat.
Baspasóz jiynynda jańa ministr keler oqý jylynan bastap jumysshy mamandyqtarynda oqyp jatqan stýdentterdiń stipendiiasy 30 paiyzǵa kóteriletinin aitty.
«Jaqynda Prezidenttiń tapsyrmasy boiynsha jumysshy mamandyqtarynda oqyp jatqan stýdentterdiń stipendiiasy 30 protsentke kóteriledi. Endi, onyń kólemi 21 787 teńge bolady» dedi Ashat Aimaǵambetov.
Aita keteiik, Qazaqstan prezidenti Qasym-Jomart Toqaev kópbalaly jáne turmysy tómen otbasylardyń balalaryna beriletin bilim berý granttarynyń sanyn kóbeitýdi tapsyrdy. Sondai-aq, kásibi-tehnikalyq bilim berý salasyndaǵy jumysshy mamandyqtary boiynsha oqyp jatqan stýdentterdiń stipendiiasy artady.
Minstrdiń aitýynsha, osy tapsyrmalar aiasynda joǵary oqý oryndarynda qosymsha 5 myń grant bólinse, stipendiianyń kólemi 30 protsentke kóbeiedi.
