Saiasattanýshy Aidos Sarym Prezidenttiń Májilis jáne máslihat depýtattarynyń sailaýy týraly úndeýine qatysty pikir bildirdi, dep habarlaidy QazAqparat.
«Aldaǵy sailaý – búkil sharýaǵa jaýapty ári qatań turǵydaǵy amaldardy talap etetin aitýly oqiǵa. Sailaý diletantizmdi, shalaǵailyqty kótermeidi. Bul sóilei biletin ǵana emes, shynaiy áreket ete biletin ýaqyt. Osynaý oi basty ári negizgi bolýy tiis. Qazaqstan qazir óz tarihyndaǵy kúrdeli kezeńge aiaq basty. Alda saiasi jáne ekonomikalyq reformalardy qabyldaý sharýasy tur. Bul baǵyttaǵy jumys eshkimge de ońai timeitini anyq. Sol sebepti adal, ashyq ári legitimdi sailaý ótkizip, qoǵamnyń kóńil-kúiiniń ártúrli qyryn kórsete biletin jaýapty parlamentti qalyptastyrý kerek. Qazaqstandaǵy reformalar jalǵasady, alaida bul rette aldaǵy ýaqytta álemdik shynaiylyq, qoǵamnyń múmkindigi men áleýeti esepke alynýy tiis. Búgin modernizatsiialanǵan zańdar paketiniń qabyldanýyna muryndyq bolatyn, shikizattyq emes ekonomikanyń negizin qalaityn, azamattardyń kúsh-qýatyna, iskerligi mensaiasi belsendilige iek artatyn Májilisti sailap alǵan durys», - deidi Aidos Sarym.
Saiasattanýshynyń aitýynsha qazaqstandyq qoǵamda qazirgi shynaiylyqtan alystaý, ústirt paiymdar men boljamdar bar.
««Shyqtyń – aittyń» nemese «bólistiń-laik bastyń-belgilediń» - kóp adam saiasat degen osy dep oilaidy. Shyntýaitynda saiasat degen – jyldar boiy óziniń fýnktsionalyn nyǵaitatyn, jaqtastaryn jinaityn, qarjylyq jáne uiymdastyrýshylyq qýattylyǵyn kúsheitetin salmaqty saiasi partiialardy qurý. Qarapaiym ǵana mysal: kóp adam partiialyq tizimdi tirkeý úshin bir úmitkerge 600 myń teńge tólenýi kerektigin de bilmeidi. Tiisinshe 10 úmitkerdi tirkeý úshin 6 million, al 100 adamdy tirkeý odan joǵary kete beredi», - deidi ol.
Sóz sońynda saiasattanýshy qazirgi sailaý kampaniiasynyń ereksheligine toqtaldy. Kóp jyldan keiin ǵana bul sailaý óziniń zańdy merziminde ótkeli otyr.
«Qazir eshkim de bizdi aldady, habar bermedi dep kinálai almaidy. Múmkindikteri bar salmaqty oiynshylardyń bári de sailaýǵa qatysa alady. Taǵy bir erekshelik baryn aitaiyn: bul sailaýdyń quny óte joǵary. Sebebi Májiliske debattardan bólek, taǵdyrsheshti reformalyq qujattardy qabyldaýǵa týra keledi. Sol sebepti bilik te, qoǵam da, partiialar da endi ádil sailaý ótkizýge múddeli bolady», - dedi Aidos Sarym.
Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslihat depýtattary sailaýyn taǵaiyndaý týraly úndeý jariialaǵan bolatyn.
«Búgin men Parlament Májilisi depýtattarynyń sailaýyn taǵaiyndaý týraly Jarlyqqa qol qoidym. Ortalyq sailaý komissiiasynyń qaýlysymen barlyq deńgeidegi máslihat depýtattarynyń sailaýy taǵaiyndalady. Aldaǵy sailaý konstitýtsiialyq merzimge sáikes, 2021 jyldyń 10 qańtarynda ótedi. Barlyq saiasi partiialardyń bul sailaý naýqanyna qatysýǵa daiyndalýyna, sailaý aldyndaǵy platformasyn ázirleýine, partiialyq infraqurylymdardy jetildirýine ýaqyty jetkilikti boldy», - dedi Prezident úndeýinde.
