Aqtóbede sý tasqynynan zardap shekken 10 jastaǵy qyz bilikke úndeý aitty, - dep habarlaidy "Diapazon".
Eshimovtar otbasy sý tasqynynan baspanasynan aiyrylyp otyr. Sheshesi Turǵangúl Eshimovanyń aitýynsha, kúieýiniń júregi álsiz jáne ol úiiniń qirap qalǵanyn áli kórmepti. Basylymnyń málimetinshe, áieldiń kenje qyzy Mahabbat № 36 mektebiniń tórtinshi synyp oqýshysy eken. Ol mektep formasynan, oqýlyqtarynan da aiyrylyp, tabiǵi apattan eseńgirep qalǵan.
"Barlyq kitabym úide qalyp qoidy. Joǵaldy. Bilik qaida qarap otyr. Kitabymdy qaitarǵan joq. Ákem kezekte jyldap turady, ne paidasy bar? Barlyq zatymyz sonda qalyp qoidy. Oqýyma alańdadym, endi úiimizden de aiyrylyp qaldyq. Nege biz munda turýymyz kerek deisizder? Eńbegimizben salǵan úiimiz edi", - deidi qyz videoda.
Qyz bilikti laiyqty kómek kórsetpedi dep aiyptap otyr. "Oqýlyq joǵaltsaq, qansha tóleitinimizdi eskertip aitqan. Nege sonsha qinai beredi? Kómekteser bolsa, qum alyp kelýi kerek edi. Úidi tiyndap aqsha jinap, salǵan edik, sý shaiyp ketti. Sýǵa ketip jatyrmyz. Nege kómek jyldam kelmedi? Ákemniń júregi aýyrady. Kezekte turady, dárige kezekte turady. Adamdardy aiamaisyzdar!", - deidi tórtinshi synyptyń oqýshysy.
Qazirgi ýaqytta Aqtóbede sý tasqynynan zardap shekkenderge kómek kórsetýge arnalǵan komissiia qurylǵan. Materialdyq kómek kórsetkisi keletinder "Qolǵanat Aqtóbe" qoǵamdyq qorynyń esebine qarajat aýdara alady.
KIWI ámiian: +77058202666 BIN 170240000585 IIK KZ 819260101193016000 "Kazkommertsbank" AQ-da BIK KZKOKZKX.
