QR Prezidentiniń kómekshisi Erlan Qarin Qordaidaǵy jaǵdaiǵa qatysty pikir bildirdi, dep habarlaidy QazAqparat.
«Jambyl oblysy Qordai aýdanyńda bolǵan jaǵdailarǵa bárimiz de alańdap otyrmyz. Jaǵdaidyń ońai emes ekenin moiyndaýǵa týra kelip tur. Eń aldymen, oqiǵa saldarynan qaza tapqan azamattardyń týystary men jaqyndaryna qaiǵylaryna ortaqtasyp kóńil aitamyn. Bir memlekettiń azamattary beibit kúnde qurban bolýy bárimizdiń de júregimizge aýyryp tiip otyr. Ózderińizge belgili, memleket basshysy Qasym-Jomart Toqaev oqiǵalar oryn alǵan sátten bastap birden jaǵdaidy tikelei óz baqylaýyna alyp, quzyrly organdarǵa tiisti tapsyrmalardy berdi. Qazirgi ýaqytta memleket basshysynyń tapsyrmasymen shuǵyl qurylǵan Úkimettik komissiia oqiǵa ornynda óz jumysyn bastap ketti. Bilik organdary bar aqparatty ashyq, búkpesiz ári dereý jariialaýda, memlekettik aqparat quraldary da eldi barynsha jedel, naqty jáne shynaiy aqparattarmen qamtamasyz etýde», - dep jazdy Erlan Qarin áleýmettik jelide.
Onyń sózinshe, jelide azamattar negizinen oqiǵa saldaryn anyqtaý barysynda qanshalyqty ádiletti baǵa beriledi dep suraq qoiýda. Degenmen, kináliler tiisti jazasyn alady. Buǵan eshkimniń de kúmáni bolmaýy tiis.
«Zań bárine birdei. Qazir, eń bastysy bul tragediia basqa da jaǵdailarǵa ulasyp ketpeýi tiis. Daý shyǵaryp, qan tógýmen eshqashan da, eshqandai da másele sheshilmegen, sheshilmeidi de. Bul jaǵdai eldigimizge de, memlekettiligimizge de úlken syn. Sondyqtan resmi aqparatqa júginip, úkimettik komissiianyń jumysynyń nátijelerin kúteiik», - deidi Prezident kómekshisi.
