Bibigúl Tólegenova Dimash Qudaibergenge qoldaý bildirdi, - dep habarlaidy "Ult aqparat" kaz.tengrinews.kz portalyna silteme jasap.
Bibigúl Tólegenova jas ánshige tanymal I Am a Singer baiqaýy finalynyń aldaǵy kezeńini sáttilik tiledi.
Aita keteiik, baiqaý jeńimpazy erteń 15 sáýirde senbide anyqtalady. "Qurmetti, Dimash, biz - seniń jankúierleriń, fanattaryń senen úlken jeńis kútemiz. Men saǵan "Slavianskii bazar" baiqaýyna qatysqanda batamdy bergen adam, saǵan taǵy da osy úlken baiqaýǵa batamdy berip jatyrmyn. Búginde tek búkil Qazaqstan men Qytai emes, sondai-aq, búkil álem saǵan jankúier bolyp jatyr. Biz seniń basty fanattaryńbyz, sebebi biz seniń jerlesterińbiz", - dedi Bibigúl Tólegenova.
Jaqynda Astana jastary Dimash Qudaibergenge qoldaý kósrsetý maqsatynda fleshmob uiymdastyrǵan bolatyn. Fleshmobqa shamamen 20 adam qatysqan, olardyń ishinde Dimash Qudaibergen oqityn Qazaq ulttyq óner ýniversitetiniń stýdentteri de bar.
"Biz onyń múmkindikterin joǵary baǵalaimyz. Ol baiqaýdyń barlyq kezeńinde №1 boldy dep sanaimyz jáne ol finalda muny dáleldeidi. Oǵan onyń shyǵarmashylyǵy úshin kóp raqmet aitqymyz keledi. Ol elimizdiń bedelin, mádenietin, tilin joǵary kóterdi. Dimashqa degen sezimderimizdi sózben aityp jetkizý múmkin emes dep oilaimyn", - dedi fleshmob uiymdastyrýshylary.
Aita keteiik, erteń 15 sáýirde Dimash Qudaibergen Qytaidyń Chansha qalasynda ótip jatqan I am a Singer baiqaýynyń finalynda óner kórsetedi. Final saǵat 22:00-de, "Habar" arnasynan kórsetiledi. Aldyn ala málimet boiynsha, Dimash Qudaibergen álemge áigili ánshi Maikl Djeksonnyń repertýarynan poppýri oryndaidy.
