Tanymal jýrnalist Bibigúl Dáýletbekqyzy «Habar» Agenttigi» AQ Basqarma bastyǵynyń orynbasary Rinat Kertaevty aiyptap jazba jariialady. Avtor Rinat Dýmanulynyń óz ideiasyn urlap alǵanyn tilge tiek etken. Tolyǵyraq tómendegi mátinde:
***
Aitpaqshy, osynda bir jeńil júristi qazaq qyzy Fybyda tikelei efir júrgizip júrip(erkekterge dýshqa kirip jýynǵanyn, odan qaldy dárethanada otyrǵanyn, aýyzy tolǵan mýsor, ózge ult ókilderimen araq iship, temeki shegip otyrǵanyn tikelei efirde kórsetedi eken), otandyq kógildir ekranǵa shyǵyp ketti degen sózdi estidim. Sonda bul - QAZAQ JÝRNALISTIKASYNYŃ ólgeni me?! Ánshilerden qutyla almai jatqanymyzda, endi qalmaǵany jyn-oinaq pa?
Telearnadaǵy áriptester, eger reiting úshin osylai jasai berseńizder, bir kúni Sain kóshesindegi pritondarda jumys isteýge kelisip ketetindeisizder ǵoi. Mynaý naǵyz sumdyq.
Telearnadan shyqqan árbir júrgizýshi - halyqtyń ainasy. Sonda pýtanalardy osylai efirge shyǵarsa, jetken jerimiz osy eken de.
Dáýren Abaev myrza tym bos jiberip qoiǵan joq pa jýrnalistika salasyn degen oi ketedi keide. Nege efirdiń júrgizýshilerin qadaǵalamaidy? Nege efirde jeńil júristiler qaptap barady? Olardy kórgen jas kórermender elikteidi ǵoi. "Ana apaiymyz 2 ret kúieýge shyǵypty, myna júrgizýshi toqaly eken. Mynaý bolsa kúieýiniń kózine shóp salyp, aqyl aitýda. Meniń odan qai jerim kem?" degen túisik qalyptaspai ma?
"Reiting, reiting" dep, jastarymyzdy ýlap jatqan sekildimiz. Ideologiia joq. Baiaǵyda ólip qalǵan. Osyndai dańǵaza-shý baǵdarlamalardan góri, nege pedofil, sýitsidtiń aldyn alý týraly kórermen qyzyǵyp qaraityn habarlar ashpasqa? Qazirgi BAQ-tyń aitatyny - "jol apaty", "pedofil kishkentai qyzdy zorlapty", "qyrshyndai jigit ózin-ózi kópirden laqtyrdy", "pálensheni sottapty, anaý ózin órtepti" t.b.
Bir tushymdy habarlar joq.
Salmaqty habarymdy shyǵarǵym kelgen edi 2-3 jyl buryn. Habardaǵy Rinat Kertaev "Ai-hai, 25" tok-shoýymdy, "Pai-pai, 25" etip ózgertip, aidy aspanǵa shyǵaryp, efirden kórsetetinin de byltyr osy Feisbýktan bildim(Rinatty aitamyn da "súiinshiletip" qoiady). Biraq, basy biraz daýǵa qaldy. Ol baǵdarlamanyń avtory men ekenin áriptesterim jazdy. Alaida, Rinat myrza meniń nómirime habarlasyp:
- Bibigúl, kelisimge keleiik, ótinish?! Ekeýmiz qazir bet jyrtysqannan eshteńe ónbeidi,- dep, meni kezdesýge shaqyrdy.
"Bolary bolyp, boiaýy sińip" ketken habarymdy iemdengenin bilgenimde, árine qatty yzalandym. Jylap ta aldym. Biraq, Rinat 2016 jylǵy biýdjetten aqsha qarastyryp, basqa baǵdarlamalarymdy satyp alatynyn aitqannan soń, bitimge keldim. Alaida, kabinetinde qolyn berip, ýádesin aitqan Rinat Kertaev "erkektik" sózinde turmady. Mine, bul bir ǵana mysal.
Men sekildi talai jýrnalisterdiń taýy shaǵylyp jatqany qanshama? Rinattyń uiaty bilsin. Bul dúniede - ataq-mansap máńgilik emes! Ómir - alma-kezek. Búgin kresloda ol otyrsa "qonjiyp", erteń men otyramyn. Búgingi kúnmen ómir súrgen telearna basshylarynyń talaiyn kórdim. Qazir shirenip otyrady, erteń búgilip ketedi. Keshe ǵana zárin tógip, qaharlanǵandardyń da, ertesine máimóńkelep ketetinin de ýaqyt kórsetti.
"Bibigúl ainalaiyn, ósektiń jeteginde kettim, aǵańdy keshir", - degen basshylarym da boldy.
Men keshirimdimin. Biraq, ideia urlaýshylardyń ómiri keremet bolyp ketetinine senimsizbin. Sol plagiatshylarǵa 2010 jyly shyqqan Frantsiianyń "BEZ ÝLIK" degen filmdi kórýge keńes beremin. Biraq ondaǵy keiipkerdiń adamgershiligi bar, uiaty jibermei, talai jyldar boiy kúndiz kúlkiden, túnde uiqydan aiyrylady. Bizdikiler sekildi "bir kúndikpen" ómir súrmeidi.
Efirdiń lastanýyna da osyndai basshylar kináli. Olardyń bastarynda tek - reiting tur. Avtorlyq quqyǵymyz baiaǵyda taptalǵan. Basynda ideiasy joq, plagiatpen jumys isteitin qazaq basshylary turǵanda, osylai telearnalar qurdymǵa kete bermek...
Bul degradatsiia!
